திமுக எம்பி ஜெகத்ரட்சகனின் வீடு, அலுவலகம் உள்ளிட்ட அவருக்கு தொடர்புடைய இடங்களில் வருமான வரித்துறையினர் சோதனை மேற்கொண்டு வருகின்றனர்.
திமுக நாடாளுமன்ற உறுப்பினருமான ஜெகத்ரட்சகனின் வீடு, கல்வி நிறுவனங்கள், மருத்துவமனை உள்ளிட்ட சுமார் 40க்கும் மேற்பட்ட இடங்களில் வருமான வரித்துறையினர் சோதனை இன்று காலை முதல் மேற்கொண்டு வருகின்றனர். குறிப்பாக, குரோம்பேட்டை மருத்துவமனை, தி.நகர் ஹோட்டல், பள்ளிக்கரனை, ரத்தினமங்கலம் மேலும் தி.நகர் திலக் தெருவில் உள்ள அவரது அலுவலகம் ஆகிய இடங்களில் வருமான வரித்துறையினர் சோதனை மேற்கொண்டு வருகின்றனர்.
இதற்காக ஆயுதப்படை காவலர்கள் பாதுகாப்புப் பணியில் ஈடுபட்டு வருகின்றனர்.மேலும், எம்பி ஜெகத்ரட்சகன், பல நிறுவனங்களில் முதலீடு செய்துள்ளதாகவும், அதற்கு முறையாக வரி செலுத்தவில்லை என்பதன் அடிப்படையிலேயே இந்த வருமான வரித்துறை சோதனையானது நடைபெற்று வருவதாக தகவல்கள் வெளியாகி உள்ளது. 2016 ஆம் ஆண்டு ஏற்கனவே வருமானவரித்துறை சோதனை நடந்துள்ளது குறிப்பிடத்தக்கது.
