This news Fact Checked by Newsmeter
அமித் ஷாவுக்கு எதிர்ப்பு தெரிவிக்கும் வகையில் நாடாளுமன்றத்தின் அனைத்து இருக்கைகளிலும் அம்பேத்கரின் படம் வைக்கப்பட்டுள்ளதாக சமூக வலைதளங்களில் வைரலாக பரவி வருகிறது. இதுகுறித்த உண்மை சரிபார்ப்பை காணலாம்.
இந்திய அரசியலமைப்புச் சட்டம் 75 ஆண்டுகள் நிறைவடைவதையொட்டி, 2024ஆம் ஆண்டு டிசம்பர் 18-ம் தேதி மாநிலங்களவையில் நடைபெற்ற விவாதத்தின் போது, மத்திய உள்துறை அமைச்சர் அமித்ஷா தனது கருத்துகளால் சர்ச்சையைக் கிளப்பினார். அம்பேத்கரின் பெயரை உச்சரிப்பது எதிர்க்கட்சிகளுக்கு ஒரு ஃபேஷன் ஆகிவிட்டது என்று அவர் கூறினார். அம்பேத்கரின் பெயரை போல ராமரின் பெயரை அடிக்கடி உச்சரித்தால் அவர்கள் சொர்க்கத்தை அடைவார்கள் என்று அவர் குறிப்பிட்டார். இந்த அறிக்கைக்கு பல்வேறு தரப்பில் இருந்து கண்டனங்கள் எழுந்துள்ள நிலையில், தற்போது அரசியல் விவாதம் தீவிரமடைந்துள்ளது.
இந்நிலையில், அமித்ஷாவின் கருத்துக்கு எதிர்ப்பு தெரிவிக்கும் வகையில், டெல்லியில் உள்ள நாடாளுமன்றத்தின் ஒவ்வொரு இருக்கையிலும் அம்பேத்கரின் படங்கள் வைக்கப்பட்டிருப்பதாக சமூக வலைதளங்களில் ஒரு புகைப்படம் பரவி வருகிறது. ஃபேஸ்புக் பயனர் ஒருவர் வைரலான படத்தைப் பகிர்ந்து, “இது வதோதராவில் வீடு கிடைக்காத, பள்ளியில் வகுப்பறைக்குள் உட்கார அனுமதிக்கப்படாத டாக்டர் பிஆர் அம்பேத்கரின் படம் இது. அவர் இன்று நாடாளுமன்றத்தில் ஒவ்வொரு ஆசனத்திலும் அமர்ந்திருக்கிறார்.” என பதிவிட்டுள்ளார். (காப்பகம்)
ஒரு ட்விட்டர் (எக்ஸ்) பயனர் படத்தை பகிர்ந்து, “பிக் பிரேக்கிங்: பாபா சாஹாப் அம்பேத்கரின் புகைப்படம் மாநிலங்களவையில் உள்ள ஒவ்வொரு எதிர்க்கட்சி பெஞ்சிலும் உள்ளது. ஜெய் பீம்.” என பதிவிட்டுள்ளார். (காப்பகம்)
இதே போன்ற கோரிக்கைகளை இங்கே, இங்கே மற்றும் இங்கே காணலாம். (காப்பகம் 1, காப்பகம் 2, காப்பகம் 3)
உண்மைச் சரிபார்ப்பு:
நியூஸ்மீட்டர் இந்த கூற்று தவறானது என்று கண்டறிந்துள்ளது. நாடாளுமன்றத்தில் எடுக்கப்பட்ட படம் அல்ல கர்நாடக சட்டசபையில் என உறுதி செய்யப்பட்டுள்ளது.
டிசம்பர் 19 அன்று வெளியிடப்பட்ட ஹிந்துஸ்தான் டைம்ஸ், தி நியூஸ் மினிட் மற்றும் நியூஸ் தக் ஆகியவற்றின் அறிக்கைகளுக்கு, தலைகீழ் படத் தேடல் வழிநடத்தியது. இந்த அறிக்கைபடி, காங்கிரஸ் தலைவர்கள் டிசம்பர் 19 அன்று கர்நாடக சட்டப் பேரவையின் பெஞ்ச்களில் அம்பேத்கரின் புகைப்படங்களை வைத்தனர், இது ஒரு புயல் கூட்டத்திற்கு மேடை அமைத்தது. மத்திய உள்துறை அமைச்சர் அமித்ஷா அம்பேத்கர் பற்றிய சமீபத்திய கருத்துக்களுக்கு எதிர்ப்பு தெரிவிக்கும் வகையில் இந்த நடவடிக்கை எடுக்கப்பட்டது, இது இந்திய அரசியலமைப்பின் சிற்பியை அவமதித்ததாக காங்கிரஸ் உறுப்பினர்கள் கூறினர்.
பாபாசாகேப் அம்பேத்கர் குறித்து அமித்ஷா கூறிய கருத்துகளை கண்டித்து கர்நாடக காங்கிரஸ் எம்எல்ஏக்கள் மற்றும் அமைச்சர்கள் மாநில சட்டமன்றத்தில் போராட்டம் நடத்தியதாக கர்நாடக காங்கிரஸின் அதிகாரப்பூர்வ ட்விட்டர் (எக்ஸ்) கணக்கும் அதே படங்களை பகிர்ந்துள்ளது.
கர்நாடக முதலமைச்சர் சித்தராமையாவும் இதே போன்ற ஒரு படத்தை தனது இன்ஸ்டாகிராம் கணக்கில் பகிர்ந்துள்ளார். ஆளுங்கட்சி உறுப்பினர்களின் இருக்கைகளுக்கு முன்பாக அம்பேத்கரின் உருவப்படத்தை வைத்து சட்டசபையில் போராட்டம் நடத்தப்பட்டதாக அந்த பதிவில் கூறப்பட்டுள்ளது.
எனவே, அனைத்து நாடாளுமன்ற இருக்கைகளிலும் அம்பேத்கரின் படம் வைக்கப்பட்டுள்ளதாக வைரலானது தவறானது என்ற முடிவு செய்யப்பட்டது.
Note : This story was originally published by Newsmeter and Translated by ‘News7 Tamil’ as part of the Shakti Collective.
