பாகிஸ்தான் காபந்து அரசாங்கம் பெட்ரோல் மற்றும் ஹை-ஸ்பீடு டீசல் விலையை அடுத்த 15 நாட்களுக்கு குறைத்துள்ளது.
பாகிஸ்தானில் பெட்ரோல், டீசல் விலையை வரலாறு காணாத அளவுக்கு பாகிஸ்தான் அரசு உயர்த்தியது. மக்கள் பெரும் அவதிக்குள்ளாகினர். இந்த சூழலில், சர்வதேச சந்தையில் எரிப்பொருள்களின் விலைகள் கடந்த 2 நாள்களில் கிட்டத்தட்ட 5 சதவிகிதம் குறைந்துள்ளது. அதே நேரத்தில் அமெரிக்க டாலருக்கு நிகரான ரூபாயின் மதிப்பும் சிறிதளவு உயர்ந்துள்ளது. இதன் விளைவாக நுகர்வோரின் உள்நாட்டு விலைகள் வீழ்ச்சியடைந்தன.
நேரடியாக கூகுள் செய்திகளிலிருந்து நியூஸ் 7 தமிழ், இணையதளத்தின் செய்திகளை உடனுக்குடன் பெற Google News பக்கத்தை Follow செய்யுங்கள்
இதையும் படியுங்கள்: 14 நாட்களில் ரூ.772 கோடி – வசூல் வேட்டையில் ‘அனிமல்’..!
இதனால் எரிப்பொருள்களின் விலைகள் அடுத்த 15 நாள்களுக்கு (டிச. 15) முதல் குறையும் என தகவலறிந்த அதிகாரிகள் தெரிவித்திருந்தனர். இந்த நிலையில், பாகிஸ்தான் காபந்து அரசாங்கம் பெட்ரோல் மற்றும் ஹை-ஸ்பீடு டீசல் விலையை அடுத்த 15 நாட்களுக்கு குறைத்து உத்தரவிட்டுள்ளது. இதையடுத்து பாகிஸ்தான் நிதி அமைச்சகத்தின் அறிவிப்பை மேற்கோள் காட்டி, பெட்ரோல், டீசல் விலை குறைக்கப்பட்டுள்ளது.
அதன்படி, பெட்ரோல் விலை லிட்டருக்கு ரூ.14 குறைக்கப்பட்டு ரூ.267.34-க்கும், ஹை- ஸ்பீடு டீசல் விலை லிட்டருக்கு ரூ.13.5 குறைக்கப்பட்டு ரூ.276.21-க்கும் விற்பனை செய்யப்படுகிறது. இதே போன்று மண்ணெண்ணெய் விலை லிட்டருக்கு ரூ.10.14 குறைக்கப்பட்டு ரூ.191.02-க்கும், லைட்-டீசல் விலை லிட்டருக்கு ரூ.11.29 குறைக்கப்பட்டு ரூ.164.64-க்கும் விற்பனை செய்யப்படுகிறது.
