சென்னையில் கடந்த 13 ஆண்டுகளில் இல்லாத வகையில் ஜூலை மாதத்தில் அதிக மழை பதிவாகி உள்ளது.
சென்னையில் கடந்த சில நாட்களாக மாலை நேரம் தொடங்கி இரவு வரை தினமும் மழை பெய்து வருகிறது. இந்த மாதத்தில் நேற்று வரை சென்னையில் 220.5 மில்லி மீட்டர் மழை பெய்துள்ளது. அதிகபட்சமாக இதற்கு முன்பு கடந்த 2007ம் ஆண்டு ஜூலை மாதத்தில் 243.9 மில்லி மீட்டர் மழை பதிவாகி இருந்தது. இதனால் கடந்த 14 ஆண்டுகளில் இல்லாத வகையில் ஜூலை மாதத்தில் சென்னையில் அதிக மழை பதிவாகி உள்ளது.
நேரடியாக கூகுள் செய்திகளிலிருந்து நியூஸ் 7 தமிழ், இணையதளத்தின் செய்திகளை உடனுக்குடன் பெற Google News பக்கத்தை Follow செய்யுங்கள்
இந்த மாதம் முடிய இன்னும் ஒரு வாரம் உள்ள நிலையில், தற்போது இந்த அளவை எட்டி உள்ளது. வரும் நாட்களில் தொடர்ந்து மழை பெய்ய வாய்ப்புள்ளதாக வானிலை ஆய்வு மையம் தெரிவித்துள்ளது. கடந்த 17 மற்றும் 18ம் தேதிகளில் நுங்கம்பாக்கத்தில் மட்டும் 137.7 மில்லி மீட்டர் மழை பதிவாகி உள்ளது. 1813-ம் ஆண்டுக்கு பிறகு நுங்கம்பாக்கத்தில் இரண்டு நாள் அதிக மழைப்பதிவு இது என்றும் தெரிவிக்கப்பட்டுள்ளது.
இதேபோல் மீனம்பாக்கம் பகுதியிலும் ஜூலை மாதம் மட்டும் 12 சென்டி மீட்டர் மழை பெய்துள்ளது. வானிலை ஆய்வு மைய கணக்கீட்டுப்படி சென்னையில் இயல்பை விட 50 சதவீதம் அதிகமாக மழை பெய்துள்ளது. கடந்த வாரத்தை ஒப்பிடுகையில்க் மீனம்பாக்கத்தை விட அதிகமாக நுங்கம்பாக்கத்தில் மழை அளவு பதிவாகியுள்ளது.