கமல்ஹாசன் பிறந்தநாளில் ரசிகர்களுக்கு விருந்து அளிக்கும் விதமாக நாயகன் திரைப்படம் டிஜிட்டலில் ரீ- ரிலிஸாகிறது.
சரண்யா, ஜனகராஜ், டெல்லி கணேஷ், நாசர், நிழல்கள் ரவி, கார்த்திகா, விஜயன் உள்ளிட்ட பலர் நடித்திருந்தனர்.இப்படத்தை முகுந்தன் ஸ்ரீனிவாசன் தயாரித்திருந்தார். பி.சி.ஸ்ரீராம் ஒளிப்பதிவு மேற்கொண்டிருந்தார். லெனின், வி.டி.விஜயன் இருவரும் படத்தொகுப்பு செய்திருந்தனர்.
60-வது ஆஸ்கர் விருது வழங்கும் விழாவில், சிறந்த வெளிநாட்டுத் திரைப்படம் என்ற பிரிவில் நாயகன் திரைப்படம் இந்தியாவிலிருந்து பரிந்துரைக்கப்பட்டது. இந்த நிலையில் கமல்ஹாசன் பிறந்த நாளையொட்டி ‘நாயகன்’ படம் நவம்பர் 3-ம் தேதி
ரீ-ரிலீஸ் செய்ய உள்ளதாக அறிவிக்கப்பட்டுள்ளது.
படத்தை வெளியிடும் மதுராஜ் கூறும்போது, “பிலிமில் எடுக்கப்பட்ட ‘நாயகன்’ படத்தை டிஜிட்டல் தொழில்நுட்பத்தைப் பயன்படுத்தி மாற்றியுள்ளோம். எஸ்.ஆர்.பிலிம் பேக்டரியிடமிருந்து வாங்கி ஏடிஎம் புரொடக்ஷன்ஸ் மூலம் தமிழ்நாட்டில் 120 திரையரங்குகளிலும் கேரளாவில் 60 திரையரங்குகளிலும் கர்நாடகாவில் 50 திரையரங்குகளிலும் வெளியிடுகிறோம்” என்றார்.
காலத்தால் அழிக்க முடியாத வியப்பின் சரித்திர குறியீடாக இன்று வரை நாயகன் வாழ்ந்து வருகிறது என்று கூறினால் அது மிகையாகாது.
