நாடு முழுவதும் 22 கோடிக்கும் மேற்பட்டோருக்கு கொரோனா தடுப்பூசி செலுத்தப்பட்டுள்ளது.
மத்திய சுகாதாரத்துறை வெளியிட்டுள்ள செய்திக்குறிப்பில், கடந்த 24 மணி நேரத்தில் கொரோனாவால் 1 லட்சத்து 34 ஆயிரத்து 154 பேர் பாதிக்கப்பட்டுள்ளதாகத் தெரிவிக்கப்பட்டுள்ளது.
இதையடுத்து, நாடு முழுவதும் கொரோனாவால் பாதிக்கப்பட்டவர்களின் மொத்த எண்ணிக்கை 2 கோடியே 84 லட்சத்து 41 ஆயிரத்து 986 ஆக உயர்ந்துள்ளது.
மேலும் சிகிச்சை பலனின்றி ஒரே நாளில் 2 ஆயிரத்து 887 பேர் உயிரிழந்துள்ள நிலையில் மொத்த பலி எண்ணிக்கை 3 லட்சத்து 37 ஆயிரத்து 989-ஆக அதிகரித்துள்ளது.
கடந்த 24 மணி நேரத்தில் 2 லட்சத்து 11 ஆயிரத்து 499 பேர் குணமடைந்துள்ளதாகவும், இதுவரை 2 கோடியே 63 லட்சத்து 90 ஆயிரத்து 584 பேர் சிகிச்சை முடிந்து வீடு திரும்பியுள்ளதாகவும் தெரிவிக்கப்பட்டுள்ளது.
மேலும் நாடு முழுவதும் இதுவரை 22 கோடியே 10 லட்சத்து 43 ஆயிரத்து 693 பேருக்கு கொரோனா தடுப்பூசி செலுத்தப்பட்டுள்ளதாக மத்திய சுகாதாரத்துறை தெரிவித்துள்ளது.
