தமிழகத்தில் விரைவில் 10 ஆயிரம் மருத்துவ பணியாளர்கள் நியமிக்கப்பட உள்ளதாக மக்கள் நல்வாழ்வுத்துறை அமைச்சர் மா.சுப்பிரமணியம் தெரிவித்துள்ளார்.
காஞ்சிபுரம் அருகே தனியார் மருத்துவமனையில் 120 படுக்கைகள் கொண்ட சித்த மருத்துவ கொரோனா சிகிச்சைப் பிரிவை துவக்கி வைத்த அமைச்சர் மா.சுப்பிரமணியம் , பின்னர், அரசு மருத்துவமனையில் ஆய்வு மேற்கொண்டார். அதன் பின் அவர் கூறுகையில், தமிழ்நாட்டில் 100 கொரோனா சித்த வைத்திய சாலைகளை திறக்க முதலமைச்சர் உத்தரவிட்டுள்ளதாக தெரிவித்தார். தமிழகத்தில் மேலும் 2 ஆயிரம் மருத்துவர்கள், 6 ஆயிரம் செவிலியர்கள் மற்றும் 2 ஆயிரம் தொழில்நுட்ப பணியாளர்கள் உள்ளிட்ட 10 ஆயிரம் பேர் நியமிக்கப்படவுள்ளதாகவும் அமைச்சர் சுப்பிரமணியன் தெரிவித்தார்.
