அமெரிக்க டாலருக்கு நிகரான இந்திய ரூபாய் மதிப்பு இன்று மிக கடுமையாக சரிந்துள்ளது. இன்று வர்த்தகத்தின்போது அமெரிக்க டாலருக்கு நிகரான இந்திய ரூபாய் மதிப்பு 8 பைசா சரிந்து 77.82 அளவுக்கு குறைந்தது.
வங்கிகளுக்கு இடையிலான அந்நிய செலாவணியில், அமெரிக்க டாலருக்கு நிகரான இந்திய ரூபாய் பலவீனமாக 77.81 உடன் தொடங்கியது. பின்னர், 77.82 ஆக சரிவை சந்தித்தது. இதுவரை அமெரிக்க டாலருக்கு நிகராக இதுபோன்ற சரிவை இந்திய ரூபாய் சந்தித்ததில்லை. முடிவில் 8 பைசா சரிவுடன் 77.82 அளவுக்கு இந்திய ரூபாயின் மதிப்பு சரிந்தது.
நேரடியாக கூகுள் செய்திகளிலிருந்து நியூஸ் 7 தமிழ், இணையதளத்தின் செய்திகளை உடனுக்குடன் பெற Google News பக்கத்தை Follow செய்யுங்கள்
அமெரிக்க டாலருக்கு நிகரான இந்திய ரூபாயின் மதிப்பு கடந்த வியாழக்கிழமை 6 பைசா அளவுக்கு சரிந்து 77.74 ஆக இருந்தது. கச்சா எண்ணெய் விலை உயர்வு, வெளிநாட்டு மூலதனம் வெளியேற்றம் போன்ற காரணங்களால் ரூபாய் மதிப்பு கடுமையாக சரிந்துள்ளது. கச்சா எண்ணெய் விலை உயர்வு, வெளிநாட்டு முதலீடு வெளியேற்றம் உள்ளிட்ட காரணங்களால் இன்று இந்திய ரூபாய் மதிப்பு சரிந்துள்ளது.
-மணிகண்டன்