தமிழ்நாட்டில் புதிதாக 3,367 பேருக்கு கொரோனா தொற்று உறுதி செய்யப்பட்டுள்ளது.
தமிழ்நாட்டில், கடந்த 24 மணி நேரத்தில், 3,367 பேருக்கு கொரோனா தொற்று உறுதி செய்யப்பட்டுள்ளதாக மக்கள் நல்வாழ்வுத்துறை வெளியிட்டுள்ள அறிக்கையில் தெரிவிக்கப்பட்டுள்ளது.
தமிழ்நாடு முழுவதும் ஒரே நாளில், ஒரு லட்சத்து 50 ஆயிரத்து 609 பேருக்கு கொரோனா பரிசோதனை மேற்கொள்ளப்பட்டது. இதில் 3,367 பேருக்கு தொற்று உறுதி செய்யப்பட்டுள்ளது. இதுவரை கொரோனாவால் 25 லட்சத்து 6 ஆயிரத்து 848 பேர் பாதிக்கப்பட்டுள்ளனர். தொற்றில் இருந்து 3 ஆயிரத்து 704 பேர் குணமடைந்துள்ளனர்.
இதுவரை 24 லட்சத்து 39 ஆயிரத்து 576 பேர் சிகிச்சை முடிந்து வீடு திரும்பியுள்ளனர். அதே நேரத்தில், பாதிப்பு காரணமாக சிகிச்சை பெற்று வந்தவர்களில் 64 பேர் உயிரிழந்துள்ளனர். இதுவரை உயிரிழந்தோர் எண்ணிக்கை 33 ஆயிரத்து 196 ஆக அதிகரித்துள்ளது.
சென்னையில் புதிதாக 196 பேர் கொரோனாவால் பாதிக்கப்பட்டுள்ளனர். 6 பேர் உயிரிழந்துள்ளனர். 304 பேர் குணமடைந்து வீட்டுக்குத் திரும்பியுள்ளனர். ஈரோட்டில் 288 பேருக்கும் சேலத்தில் 214 பேருக்கும் கோவையில் 385 பேருக்கும் புதிதாகத் தொற்று உறுதி செய்யப்பட்டுள்ளது. குறைந்தபட்சமாக ராமநாதபுரத்தில் 13 பேருக்கும் தென்காசியில் 17 பேருக்கும் தொற்று உறுதி செய்யப்பட்டுள்ளது.
Advertisement:SHARE
