முக்கியச் செய்திகள் குற்றம் தமிழகம்

குற்றவாளிகளைக் கைது செய்து சட்டத்தின் முன் நிறுத்துவோம்: முதலமைச்சர் ட்வீட்.

கோவை மாணவி தற்கொலை சம்பவம் தொடர்பாக முதலமைச்சர் மு.க.ஸ்டாலின் ட்விட்டரில் கண்டனம் தெரிவித்துள்ளார்.

கோவை கோட்டைமேடு பகுதியில் வசித்து வந்த 17 வயது மாணவி, ஆசிரியரின் பாலியல் தொல்லையால் தற்கொலை செய்து கொண்டதாக கூறப்படுகிறது. இதையடுத்து, மாணவி எழுதி வைத்த கடிதம் மற்றும் செல்போனையும் கைப்பற்றி போலீசார் விசாரணை செய்து வந்தனர். அந்த கடிதத்தில், “யாரையும் சும்மா விடக்கூடாது. ரீத்தா ஓட தாத்தா, எலிசா சாரோட அப்பா, இந்த சார், யாரையும் விடக் கூடாது” என்று குறிப்பிட்டிருந்தார்.

நேரடியாக கூகுள் செய்திகளிலிருந்து நியூஸ் 7 தமிழ், இணையதளத்தின் செய்திகளை உடனுக்குடன் பெற Google News பக்கத்தை Follow செய்யுங்கள்

விசாரணையில் மாணவிக்குப் பாலியல் தொல்லை அளித்துவந்த ஆசிரியர் மிதுன் சக்கரவர்த்தியை போலீசார் கைது செய்தனர். இந்நிலையில் மாணவியின் தற்கொலைக்குக் காரணமான பள்ளி தலைமை ஆசிரியர் உள்ளிட்டவர்கள் மீது நடவடிக்கை எடுக்க வலியுறுத்தி, மாணவியின் வீட்டின் முன்பு சக மாணவர்கள் மற்றும் உறவினர்கள் போராட்டத்தில் ஈடுபட்டு வருகின்றனர்.

இதற்கிடையே, மாணவி தற்கொலை விவகாரம் தொடர்பாக, பள்ளி முதல்வர் மீரா ஜான்சன் மீது போக்சோ சட்டத்தின் கீழ் வழக்குப்பதிவு செய்யப்பட்டுள்ளது. தலைமறைவாக உள்ள மீரா ஜாக்சனை கைது செய்வதற்காக, கோவை மாநகர காவல்துறை சார்பில் 2 தனிப்படைகள் அமைக்கப்பட்டுள்ளன.

இதுதொடர்பாக முதலமைச்சர் மு.க.ஸ்டாலின் தனது ட்விட்டர் பக்கத்தில், “கோவை மாணவியின் மரணம் மனதை வருந்தச் செய்துள்ளது. சில மனித மிருகங்களின் வக்கிரமும் வன்மமும் ஒரு உயிரைப் பறித்துள்ளது. பாலியல் வன்செயல்கள் நடக்காமல் பள்ளி நிர்வாகங்கள் உறுதி செய்ய வேண்டும். குற்றவாளிகளைக் கைது செய்து சட்டத்தின் முன் நிறுத்துவோம்; பெண்களின் பாதுகாப்பை உறுதி செய்வோம்” என்று குறிப்பிட்டுள்ளார்.

சமீபத்திய செய்திகளையும், ட்ரெண்டிங் செய்திகளையும், அறிய News7 Tamil Express App – ஐ தரவிறக்கம் செய்யுங்கள்.
Advertisement:
SHARE

Related posts

திங்கள் முதல் கட்டுப்பாடுகளுடன் கடைகள் திறப்பு? விக்கிரமராஜா

Halley Karthik

அதிமுக பொதுக்குழு செல்லும்; தனி நீதிபதி உத்தரவு ரத்து

EZHILARASAN D

குடியரசுத்தலைவர் தேர்தல் : தமிழ்நாட்டில் ஓட்டு மதிப்பு எவ்வளவு?

Web Editor