நயன்தாரா மற்றும் விக்னேஷ் சிவன் தாய், தந்தையாகி உள்ளதாக விக்னேஷ் சிவன் தனது டிவிட்டரில் பதிவிட்டுள்ளார்.
‘ஐயா’ திரைப்படத்தின் மூலம் தமிழில் அறிமுகமான நயன்தாரா, தமிழ் சினிமாவில் லேடி சூப்பர்ஸ்டாராக தற்போது வலம் வருகிறார். அவர் ரஜினிகாந்த், விஜய், அஜித், சூர்யா, விக்ரம், சிவகார்த்திகேயன், விஜய் சேதுபதி, சிம்பு மற்றும் தனுஷ் உள்ளிட்ட முன்னணி ஹீரோக்களுடன் நடித்துள்ளார். அவர் தெலுங்கு, மலையாளம் என தன் நடிப்பால் நம்பர் ஒன் நடிகையாகி லேடி சூப்பர் ஸ்டார் என்ற பெயரைப் பெற்றார்.
நானும் ரவுடி தான் திரைப்படம் மூலம் தனது திரையுலக பயணத்தை தொடங்கியவர் இயக்குனர் விக்னேஷ் சிவன். இந்த திரைப்படத்தில் நடிக்கும் போது நெருக்கமான நடிகை நயன்தாரா மற்றும் விக்னேஷ் சிவன் கடந்த 6 வருடங்களாக காதலித்து வந்தனர். இதையடுத்து, இவர்கள் திருமணம் மாமல்லபுரம் அருகே கடற்கரை சாலையில் உள்ள நட்சத்திர ஓட்டலில் கடந்த ஜூன் மாதம் 9ம் தேதி திருமணம் நடைபெற்றது.
https://twitter.com/VigneshShivN/status/1579094363095052288
இந்நிலையில், நயன்தாரா மற்றும் விக்னேஷ் சிவன் தாய் தந்தையாகி உள்ளதாக விக்னேஷ் சிவன் தனது டிவிட்டரில் பதிவிட்டுள்ளார். வாடகை தாய் மூலமாக குழந்தை பெற்றுக்கொண்ட நயன்தாரா விக்னேஷ் சிவன் தம்பதி தெரிவித்துள்ளனர்.
கடந்த ஜீன் 9 ஆம் தேதி திருமணம் நடைபெற்ற நிலையில் தற்போது இரட்டை ஆண் குழந்தை புகைப்படத்தை விக்னேஷ் சிவன் பகிர்ந்துள்ளார். வாடகை தாய் மூலமாக குழந்தை பெற்று கொண்டது குறித்து நாளை அதிகாரபூர்வமாக அறிவிக்க உள்ளனர்.
