ஒளிப்பதிவு திருத்த மசோதாவை திரும்பப் பெறுமாறு ஒன்றிய அரசை முதலமைச்சர் மு.க.ஸ்டாலின் கேட்டுக் கொண்டுள்ளார்.
இதுதொடர்பாக, ஒன்றிய சட்ட அமைச்சர் ரவிசங்கர் பிரசாத் மற்றும் தகவல் ஒளிபரப்புத் துறை அமைச்சர் பிரகாஷ் ஜவடேகர் ஆகியோருக்கு அவர் எழுதிய கடிதத்தில், ஒளிப்பதிவு திருத்த மசோதா, மத்திய திரைப்படச் சான்றிதழ் வாரியம் மற்றும் மாநில அரசுகளின் அதிகாரங்களைக் குறைக்கும் வகையில் இருப்பதாக குற்றம்சாட்டியுள்ளார்.
மேலும், கருத்துச் சுதந்திரத்தைப் பறிக்கும் வகையிலும் உள்ளதாகக் குறிப்பிட்டுள்ள மு.க. ஸ்டாலின், ஒளிப்பதிவு திருத்த மசோதாவை, திரும்ப பெற வேண்டும் என வலியுறுத்தியுள்ளார்.
