தமிழ் நாட்டில் விரைவில் சட்டமன்ற தேர்தல் நடைபெற உள்ளது. இதனையடுத்து அனைத்து கட்சிகளும் கூட்டணி மற்றும் தொகுதி பங்கீடு உள்ளிட்ட தேர்தல் பணிகளில் ஈடுபட்டு வருகின்றனர்.
இந்த நிலையில் திமுக கூட்டணியில் இடம்பெற்றுள்ள மதிமுகவிற்கு 4 தொகுதிகள் ஒதுக்கப்பட்டுள்ளது. இதில் 3 தொகுதிகளில் உதய சூரியன் சின்னத்திலும் 1 தொகுதியில் தனி சின்னத்திலும் மதிமுக போட்டியிடுகிறது.
முன்னதாக கடந்த 2021ஆம் ஆண்டு சட்டமன்ற தேர்தலின் போது திமுக கூட்டணியில் அங்கம் வகித்த மதிமுக 6 தொகுதிகளில் போட்டியிட்டது.
திமுக கூட்டணியில் தேமுதிக, மநீம உள்ளிட்ட புதிய கட்சிகள் இடம் பெற்றுள்ள நிலையில் ஏற்கனவே உள்ள கட்சிகளும் தொகுதி எண்ணிக்கை குறைக்கப்பட்டுள்ளது.
