ரஜினியின் பிறந்தநாளை முன்னிட்டு “லால் சலாம்” படத்தின் க்ளிம்ஸ் காட்சி வீடியோ ஒன்றை படக்குழு வெளியிட்டுள்ளது.
ஐஸ்வர்யா ரஜினிகாந்த் கடந்த 2012-ம் ஆண்டு தனது கணவராக இருந்த நடிகர் தனுஷ் நடிப்பில் வெளிவந்த ‘3’ படத்தின் மூலம் இயக்குநராக தமிழ் சினிமாவில் அறிமுகம் ஆனார். இந்த படத்தின் வெற்றியை தொடர்ந்து 2015-ம் ஆண்டு கௌதம் கார்த்திக் நடிப்பில் ”வை ராஜா வை” என்ற படத்தை இயக்கினார்.
ஐஸ்வர்யா ரஜினிகாந்தின் மூன்றாவது திரைப்படமான லால் சலாம் படத்தின் அறிவிப்பு வெளியானது. கிரிக்கெட் விளையாட்டை மையமாக வைத்து, எடுக்கப்பட்டு வரும் இப்படத்தை லைகா நிறுவனம் பிரமாண்டமாக தயாரித்து வருகிறது. இப்படத்தில் நடிகர் ரஜினிகாந்த் மொய்தீன் பாய் எங்கிற கெஸ்ட் ரோலில் நடித்து வருகிறார்.
இந்த படத்தில் விஷ்ணு விஷால் மற்றும் விக்ராந்த் உள்ளிட்டோர் கதையின் நாயகர்களாக நடிக்கிறார்கள் என்று தெரிவிக்கப்பட்டுள்ளது. இந்த படத்திற்கு ஏ.ஆர்.ரகுமான் இசையமைக்கிறார். இந்த படத்தின் படிப்பிடிப்பு மும்பை, புதுச்சேரி, திருவண்ணாமலை போன்ற பல்வேறு இடங்களில் நடைபெற்றது.
Happy Birthday THALAIVA 🥳 Team LAL SALAAM wishes our MOIDEEN BHAI 😎 Superstar 🌟 @rajinikanth a Happy Birthday! 🤗✨ Khuda Hafiz 🤲🏻
In Cinemas 📽️ PONGAL 2024 Worldwide ☀️🌾 Releasing in Tamil, Telugu, Hindi, Malayalam & Kannada!@rajinikanth… pic.twitter.com/NGsc7l4is8
— Lyca Productions (@LycaProductions) December 12, 2023
இதனிடையே ரஜினியின் பிறந்தநாளான இன்று (டிச. 12) “ரஜினி 170” படத்திற்கான பெயரை ‘வேட்டையன்’ என அறிவித்தது. இதனையடுத்து “லால் சலாம்” படத்தின் க்ளிம்ஸ் காட்சி ஒன்றை வெளியிட்டு ரஜினிக்கு படக்குழு பிறந்தநாள் வாழ்த்து தெரிவித்துள்ளது. மேலும் அதற்கான பிரத்யேக வீடியோ காட்சி ஒன்றையும் வெளியிட்டுள்ளது.
