This news Fact Checked by AajTak
வெகுஜன எழுச்சிக்குப் பின்னர் வங்கதேசத்தில் சிறுபான்மையினர் மீதான தாக்குதல்கள் தொடர்பாக இதுவரை 88 வழக்குகள் பதிவு செய்யப்பட்டு 70 பேர் கைது செய்யப்பட்டுள்ளனர். இது தொடர்பான வீடியோ சமூக வலைதளங்களில் வைரலாக பரவி வருகிறது. இதில் இளஞ்சிவப்பு நிற ஆடை அணிந்த பெண் ஒருவர் கை, கால்கள் கட்டப்பட்ட நிலையில் தரையில் கிடந்துள்ளார். ஒரு குறிப்பிட்ட தூரத்தில் அவளைச் சுற்றி பலர் நிற்கிறார்கள்.
வங்கதேசத்தில் 8ம் வகுப்பு படிக்கும் மைனர் இந்து சிறுமி ஒருவர் முதலில் கடத்தப்பட்டு பல மாதங்களாக பாலியல் பலாத்காரம் செய்யப்பட்டதாக வீடியோ பகிரப்பட்டு வருகிறது. பின்னர், அவர் கொலை செய்யப்பட்டு, அவரது உடலை இஸ்லாமியர்களால் அவரது வீட்டிற்கு அருகில் உள்ள பகுதியில் வீசினர் எனவும் தெரிவிக்கப்பட்டது.
உதாரணமாக, ஒரு பேஸ்புக் பயனர் வைரல் வீடியோவைப் பகிர்ந்து, “8ம் வகுப்பு படிக்கும் ஒரு வங்கதேச இந்து பெண் கடத்தப்பட்டார். பல மாதங்களாக இரவும் பகலும் பலாத்காரம் செய்யப்பட்டாள், அவள் கண்கள் கிழிந்தன, அவள் கண்களில் இருந்து இரத்தம் வழிந்தது, அவள் உடல் முழுவதும் காயங்கள் இருந்தன. இறுதியாக, வங்கதேச இஸ்லாமியர்கள் அவளைக் கொன்று அவளுடைய வீட்டின் அருகே வீசிவிட்டுச் சென்றனர்.” என பதிவிடப்பட்டிருந்தது. (அனைத்து எழுத்துப்பிழைகளும் மாறவில்லை.)
இந்தியா டுடே ஃபேக்ட் செக் வைரலான வீடியோவில் இருக்கும் பெண் இந்து அல்ல, முஸ்லீம் என்று கண்டறியப்பட்டுள்ளது. அவர் வங்கதேச சத்கிரா மாவட்டத்தில் உள்ள அகர்தாரி கிராமத்தைச் சேர்ந்த ரபியுல் இஸ்லாம் ரூபெல் என்பவரின் 9 வயது மைனர் மகள் நுஸ்ரத் ஜஹான் ரஹி. இந்த ஆண்டு டிசம்பர் 14ம் தேதி அவரது வீட்டின் அருகே உள்ள குளத்தில் கை, கால்கள் கட்டப்பட்ட நிலையில் அவரது உடல் கண்டெடுக்கப்பட்டது. முதல்கட்ட விசாரணையில் அவர் பாலியல் பலாத்காரம் செய்யப்பட்டு கொலை செய்யப்பட்டதாக கூறப்படுகிறது.
உண்மையை எப்படிக் கண்டுபிடித்தீர்கள்?
வைரல் உரிமைகோரலின் கீஃப்ரேம் மற்றும் வீடியோவின் நம்பகத்தன்மையை தேடும் போது, அதே வீடியோ டிசம்பர் 15, 2024 அன்று இன்ஸ்டாகிராமில் காணப்பட்டது. வீடியோ பகிரப்பட்டு அதில், “ரூபெல் பாயின் மகள் நுஸ்ரத் ஜஹான் ரஹி. சத்கிரா மாவட்டம், குல்யா யூனியன், அசாஷுனி காவல் நிலையம், அகர்தாரி கிராமம், பாலியல் பலாத்காரம் செய்யப்பட்டு படுகொலை செய்யப்பட்டுள்ளது. இந்த கொடூரமான, கண்டனத்திற்குரிய செயலுக்கு எனக்கு சரியான நீதி வேண்டும்.” என பதிவிட்டுள்ளார். டிசம்பர் 15 அன்று ட்விட்டர் பக்கத்தில் இருந்து வீடியோவைப் பகிரும்போது அதே தகவல் குறிப்பிடப்பட்டுள்ளது.
பின்னர், அந்த ஆதாரத்தை அடிப்படையாகக் கொண்ட ஒரு தேடல், 2024 டிசம்பர் 14 அன்று, வங்கதேசத் தளமாகக் கொண்ட ‘பங்களாதேஷ்-24 ஆன்லைன்’ என்ற போர்ட்டலில் மைனரின் படத்துடன் ஒரு அறிக்கைக்கு வழிவகுத்தது. அதில், “சத்கிராவின் அசஷுனி உபாசிலாவில் உள்ள குளத்தில் இருந்து கை, கால்கள் கட்டப்பட்ட நிலையில் இரண்டாம் வகுப்பு மாணவி நுஸ்ரத் ஜஹான் ரஹி (9) என்பவரின் சடலத்தை மீட்டுள்ளனர். குல்யா ஒன்றியம் அகர்தாரி கிராமத்தில் சனிக்கிழமை (டிசம்பர் 14) இச்சம்பவம் நடந்துள்ளது. அதே பகுதியை சேர்ந்த ரபியுல் இஸ்லாம் ரூபெல் என்பவரின் மகள் ராஹி. இந்த சம்பவத்தில் முதற்கட்ட விசாரணைக்காக ஒருவர் காவல் நிலையத்திற்கு அழைத்து வரப்பட்டுள்ளதாக சத்கிரா உதவி காவலர் அத்தியட்சகர் (தலா மற்றும் அசாஷூனி வட்டம்) ஹசனூர் ரஹ்மான் தெரிவித்தார். அவரிடம் தற்போது விசாரணை நடைபெற்று வருகிறது” என்றார்.
தொடர்ந்து தேடுதலுக்குப் பிறகு, வங்கதேச ஊடகமான Somoy TVயின் அதிகாரப்பூர்வ இணையதளத்தில் டிசம்பர் 14, 2024 அன்று இந்த விஷயம் குறித்த விரிவான அறிக்கை கிடைத்தது. அதில், “காவல்துறை நுஸ்ரத் என்ற 9 வயது குழந்தையின் உடலை மீட்டுள்ளனர். அசுசுனி, சத்கிராவில் கை கால்கள் கட்டப்பட்ட நிலையில் தண்ணீரில் மிதக்கிறாள். பாலியல் பலாத்காரம் செய்யப்பட்ட குழந்தை கழுத்தை நெரித்து கொல்லப்பட்டிருக்கலாம் என நம்பப்படுகிறது. இந்த சம்பவத்தில் ஒருவரை போலீசார் கைது செய்துள்ளனர். சனிக்கிழமை (டிசம்பர் 14) பிற்பகல், குல்யா ஒன்றியத்தின் அகோர்தாரி கிராமத்தில் குழந்தையின் சடலம் மீட்கப்பட்டது. உயிரிழந்த குழந்தை நுஸ்ரத் அகோர்தாரி கிராமத்தைச் சேர்ந்த ரபியுல் இஸ்லாம் ரூபெல் என்பவரின் மகள்.” என குறிப்பிடப்பட்டுள்ளது.
அந்த அறிக்கையில் மேலும், “சனிக்கிழமை காலை 11 மணிக்குப் பிறகு, குடும்பத்தினர் நிறைய தேடியும் நுஸ்ரத்தை காணவில்லை, ஆனால் உறவினர்களிடம் செய்தி கேட்கத் தொடங்கியதாக நுஸ்ரத்தின் குடும்ப உறுப்பினர்கள் தெரிவித்தனர். மதியம் 1 மணியளவில், அஜீஸின் மனைவி அருகில் உள்ள சல்மான் அஜீஸின் குளத்தில் அவரது சடலம் மிதப்பதைக் கண்டார். பின்னர், காவல் நிலையத்திற்கு தகவல் அளித்ததையடுத்து, போலீஸார் வந்து சடலத்தை மீட்டனர்.” என தெரிவிக்கப்பட்டிருந்தது.
வங்கதேச இந்து சிறுமி பாலியல் பலாத்காரம் செய்யப்பட்டு கொலை செய்யப்பட்டதாக கூறி, இறந்த இஸ்லாமிய மைனர் சிறுமியின் வீடியோ சமூக வலைதளங்களில் பகிரப்பட்டு வருவது இதன் மூலம் நிரூபிக்கப்பட்டுள்ளது.
Note : This story was originally published by AajTak and Translated by ‘News7 Tamil’ as part of the Shakti Collective.
