‘கேரளாவிற்குள் நுழைந்த வன்முறை குற்றவாளிகள்’ என பகிரப்படும் காவல்துறை எச்சரிக்கை உண்மையா?

This News Fact Checked by ‘Newsmeter’

கம்பளி விற்பவர்கள் என்ற போர்வையில் கேரளாவுக்கு வந்த குல்பர்கா-பிதர் இரானி கும்பலின் கொடூர குற்றவாளிகள் என 26 பேரின் படங்கள் பகிரப்பட்டு வருகிறது. இதுகுறித்த உண்மை சரிபார்ப்பை காணலாம்.

குல்பர்கா-பிதார் இராணி கும்பல் என்ற பிரபல கிரிமினல் கும்பல் கேரளாவிற்கு வந்து சமூக வலைதளங்களில் பிரசாரம் செய்து வருகிறது. கம்பளி விற்பவர்கள் என்று கூறி கேரளாவுக்கு வந்தால் அவர்களை வீட்டிற்கு அழைத்துச் செல்ல வேண்டாம் என்றும், காவல்துறைக்கு தகவல் தெரிவிக்க வேண்டும் என்றும் 26 பேரின் படங்கள் பகிரப்பட்டுள்ளன.

உண்மைச் சரிபார்ப்பு:

விசாரணையில், இந்த பிரச்சாரம் அடிப்படையற்றது என்றும், அதுபோன்ற எந்த அறிவிப்பும் கேரள காவல்துறையால் வெளியிடப்படவில்லை என்றும் தெரியவந்தது.

உண்மைச் சரிபார்ப்பின் ஒரு பகுதியாக, போஸ்டரில் கொடுக்கப்பட்டுள்ள குல்பர்கா – பிதார் இரானி கும்பல் என்ற வார்த்தைகளைப் பயன்படுத்தி சில ஊடக அறிக்கைகள் கீவேர்ட் சோதனையில் கண்டறியப்பட்டன. அப்போது 2019 இல் வெளியிடப்பட்ட ஊடக அறிக்கைகளிலிருந்து இது மங்களூருவில் இருந்து வந்த செய்தி என்பது தெளிவாகியது.

இந்த குழு குறித்து மங்களூருவில் உள்ள பாஜ்பே போலீசார் எச்சரிக்கை விடுத்துள்ளனர் என்பது செய்தி. ஜூலை 29, 2019 அன்று வெளியிடப்பட்ட அறிக்கையில், அவர்களின் படமும் கொடுக்கப்பட்டிருப்பது தெரிகிறது. இதன் மூலம் இந்தப் படத்தின் கீழே மலையாளத்தில் ஒரு அறிவிப்பு எழுதப்பட்டுள்ளது தெளிவாகியது.

அதைத் தொடர்ந்து நடத்தப்பட்ட சோதனையில், வேறு சில ஆன்லைன் ஊடகங்களும் இந்தச் செய்தியைப் புகாரளித்திருப்பது கண்டறியப்பட்டது. ஆனால் முக்கிய ஊடக அறிக்கைகள் எதுவும் கிடைக்கவில்லை.

இதற்கிடையில், ஜூலை 30, 2019 அன்று வெளியிடப்பட்ட மற்றொரு அறிக்கையில், இந்த ரகசிய தகவலைப் பகிர வேண்டாம் என்று உடுப்பி எஸ்பி தெரிவித்ததாகவும் கூறப்படுகிறது.

இதன் மூலம், 2019ல் கர்நாடகாவில் நடந்த சம்பவம், கேரளாவுக்கும் எந்த தொடர்பும் இல்லை என்பது தெரியவந்தது.

உறுதிப்படுத்துவதற்காக கேரள போலீஸ் பிஆர்ஓ பிரமோத்குமாரிடம் போனில் பேசியபோது, இந்த சம்பவம் கேரளாவில் பதிவாகவில்லை என்றும், கேரள காவல்துறை அத்தகைய எச்சரிக்கையை பகிர்ந்து கொள்ளவில்லை என்றும் அவர் கூறினார்.

முடிவு:

கம்பளி விற்பவர்கள் என்ற போர்வையில் 26 பேர் கொண்ட கிரிமினல் கும்பல் கேரளாவுக்கு வந்துள்ளதாக போலீசார் தெரிவித்ததாக கூறப்படும் பிரச்சாரம் அடிப்படை ஆதாரமற்றது. இது 2019 இல் மங்களூரில் நடந்த சம்பவத்துடன் தொடர்புடையது என்பது உறுதி செய்யப்பட்டுள்ளது மற்றும் கேரள காவல்துறை அத்தகைய எச்சரிக்கையை வெளியிடவில்லை.

Note : This story was originally published by ‘Newsmeter’ and translated by ‘News7 Tamil’ as part of the Shakti Collective.