தமிழ்நாட்டில் சென்னை போன்ற முக்கிய நகரங்களில் தங்கத்தின் வர்த்தகம் மிகவும் அதிகமாக உள்ளது. சர்வதேச பொருளாதார நிலவரத்துக்கு ஏற்ப இந்தியாவில் தங்கத்தின் விலை அவ்வப்போது உயர்ந்தும், குறைந்தும் வருகிறது. தொடர்ந்து, படிப்படியாக உயர்ந்த தங்கம் விலை சமீபத்தில் ரூ.74 ஆயிரத்தை கடந்து வரலாற்றில் புதிய உச்சத்தை தொட்டது.
இதனையடுத்து, தங்கம் விலை கடந்த சில நாட்களாக ஏற்ற இறக்கத்தை சந்தித்து வருகிறது. அந்த வகையில், கடந்த சனிக்கிழமையும் ஆபரண தங்கத்தின் விலை சற்று குறைந்தது. சென்னையில் ஆபரண தங்கத்தின் விலை சவரனுக்கு ரூ.400 குறைந்து ஒரு சவரன் ஆபரண தங்கம் ரூ.73 ஆயிரத்து 280க்கு விற்பனை செய்யப்பட்டது. கிராமிற்கு ரூ. 50 குறைந்து ஒருகிராம் தங்கம் ரூ. 9 ஆயிரத்து 160க்கு விற்பனை செய்யப்பட்டது.
இந்த நிலையில் தங்கம் விலை மாற்றமின்றி விற்பனை செய்யப்படுகிறது. அதன்படி, சென்னையில் ஆபரண தங்கத்தின் விலை சவரனுக்கு ரூ.73 ஆயிரத்து 280க்கும் கிராமுக்கு ரூ. 9 ஆயிரத்து 160க்கு விற்பனை செய்யப்படுகிறது.
