தமிழ்நாட்டில் சென்னை போன்ற முக்கிய நகரங்களில் தங்கத்தின் வர்த்தகம் மிகவும் அதிகமாக உள்ளது. சர்வதேச பொருளாதார நிலவரத்துக்கு ஏற்ப இந்தியாவில் தங்கத்தின் விலை அவ்வப்போது உயர்ந்தும், குறைந்தும் வருகிறது. தொடர்ந்து, படிப்படியாக உயர்ந்த தங்கம் விலை சமீபத்தில் ரூ.74 ஆயிரத்தை கடந்து வரலாற்றில் புதிய உச்சத்தை தொட்டது. இதனையடுத்து, தங்கம் விலை தொடர்ந்து ஏற்ற இறக்கத்தை சந்தித்து வருகிறது.
இதையும் படியுங்கள் : அரபிக் கடலில் உருவானது குறைந்த காற்றழுத்த தாழ்வு பகுதி!
அதன்படி, தங்கம் விலை நேற்று (மே 21) கிராமுக்கு ரூ.220 உயர்ந்து ரூ.8,930-க்கும் சவரனுக்கு ரூ.1,760 ரூபாய் உயர்ந்து ரூ.71,440-க்கும் விற்பனையானது. அதேபோல், நேற்று வெள்ளி விலையும் உயர்ந்தது. கிராமுக்கு ரூ.3 ரூபாய் உயர்ந்து ரூ.111-க்கும் கிலோவுக்கு ரூ.3,000 உயர்ந்து பார் வெள்ளி ரூ.1,11,000-க்கும் விற்பனை செய்யப்பட்டது.
இந்த நிலையில், தங்கம் விலை இன்று (மே 22) மீண்டும் உயர்ந்துள்ளது. அந்த வகையில், சென்னையில் ஆபரண தங்கத்தின் விலை கிராமுக்கு ரூ.45 உயர்ந்து ரூ.8,975க்கும், சவரனுக்கு ரூ.360 உயர்ந்து ரூ.71,800க்கு விற்பனையாகிறது. வெள்ளி விலை கிராமுக்கு ரூ.1 உயர்ந்து ரூ.112க்கும், 1 கிலோ கட்டி வெள்ளி ரூ.1,12,000க்கும் விற்பனை செய்யப்படுகிறது.
