தங்கம் விலையில் எந்தவித மாற்றமும் இன்றி நேற்றைய விலையில் விற்பனையாகிறது.
தென்இந்தியாவில் அதிகளவிலான தங்கத்தை வைத்துள்ள மாநிலத்தில் தமிழ்நாடு முன்னிலையில் உள்ளது. தமிழ்நாட்டில் சென்னை போன்ற முக்கிய நகரங்களில் தங்கத்தின் வர்த்தகம் மிகவும் அதிகமாக உள்ளது. சர்வதேச பொருளாதார நிலவரத்துக்கு ஏற்ப இந்தியாவில் தங்கத்தின் விலை அவ்வப்போது உயர்ந்தும், குறைந்தும் வருகிறது.
அந்த வகையில் தங்கம் விலை கடந்த சில நாட்களாக உயர்ந்த வண்ணம் இருந்தது. இந்த நிலையில் இன்று (ஜன.23) தங்கம் விலையில் எந்தவித மாற்றமும் இன்றி நேற்றைய விலையில் விற்பனையாகிறது.
இதையும் படியுங்கள்: “ஆம்னி பேருந்துகள் கிளாம்பாக்கத்தில் இருந்து தான் இயக்கப்பட வேண்டும்” – அமைச்சர் சிவசங்கர்
அதன்படி சென்னையில் ஆபரணத் தங்கத்தின் விலை ஒரு சவரன் ரூ.46,640-க்கும், ஒரு கிராம் ரூ.5,830-க்கும் விற்பனையாகிறது. வெள்ளி விலை சற்று குறைந்துள்ளது. அந்த வகையில் கிராமுக்கு 50 பைசாக்கள் குறைந்து, ஒரு கிராம் ரூ.76.50-க்கும், ஒரு கிலோ (கட்டி வெள்ளி) ரூ.76,500-க்கும் விற்பனையாகிறது.
