This News Fact Checked by ‘India Today’
பாகிஸ்தானுக்கு எதிரான வெற்றிக்கு முன், இந்திய கிரிக்கெட் அணி பிப்ரவரி 20 அன்று 2025 சாம்பியன்ஸ் டிராபியில் தனது முதல் போட்டியில் வங்கதேசத்தை தோற்கடித்தது. அந்த போட்டியில் இந்தியா மற்றும் வங்கதேச வீரர்களுக்கு இடையே மைதானத்தில் நடந்த சண்டையைக் காட்டுவதாக ஒரு வீடியோ ஆன்லைனில் வைரலாகி வருகிறது.
வங்கதேச ஜெர்சிகளை அணிந்த வீரர்கள் கைகளில் கொடிகளுடன் மைதானத்திற்கு விரைந்து செல்வதையும், நீல நிற ஜெர்சிகளை அணிந்த வீரர்களுடன் சூடான வாக்குவாதத்தில் ஈடுபடுவதையும் வீடியோ காட்டுகிறது.
இந்த காணொளியைப் பகிர்ந்தவர்கள், பிப்ரவரி 20 அன்று நடந்த 2025 சாம்பியன்ஸ் டிராபியில் இந்தியா-வங்கதேசம் போட்டியின் போது இது படமாக்கப்பட்டதாகக் கூறினர்.
இந்த காணொளி 2020 ஆம் ஆண்டு நடந்த 19 வயதுக்குட்பட்ட உலகக் கோப்பை இறுதிப் போட்டியின் வீடியோ என கண்டறியப்பட்டுள்ளது.
உண்மை சரிபார்ப்பு:
முக்கிய வார்த்தைகளின் உதவியுடன், வைரலான வீடியோ தொடர்பான பிப்ரவரி 2020 செய்தி அறிக்கைகள் கண்டறியப்பட்டன. பிப்ரவரி 10, 2020 அன்று வெளியிடப்பட்ட டைம்ஸ் ஆஃப் இந்தியா அறிக்கையின்படி, 19 வயதுக்கு உட்பட்டோருக்கான உலகக் கோப்பை இறுதிப் போட்டிக்குப் பிறகு இந்திய மற்றும் வங்கதேச அணிகளின் வீரர்கள் கிட்டத்தட்ட மோதலுக்கு வந்ததாகக் கூறியது.
வங்கதேச வீரர்கள் பீல்டிங் செய்யும் போது அதிக ஆக்ரோஷமாக இருந்ததாகவும், இந்திய பேட்ஸ்மேன்களை ஸ்லெட்ஜ் செய்ததாகவும் கூறப்படுகிறது. இந்தியாவை தோற்கடித்த பிறகு, வங்கதேச வீரர்கள் மைதானத்திற்கு விரைந்தனர், பலர் ஆக்ரோஷமான உடல் மொழியைக் காட்டினர். இந்தப் போட்டி தென்னாப்பிரிக்காவின் போட்செஃப்ஸ்ட்ரூமில் நடைபெற்றது.
அறிக்கையின்படி, ஒரு இந்திய வீரர் ஒரு வங்கதேச வீரரை எதிர்த்துப் பேசி தள்ளிவிட்டார், அவர் ஒழுக்கக்கேடான விஷயங்களைப் பேசியதாகக் கூறப்படுகிறது. அந்த நேரத்தில் இந்துஸ்தான் டைம்ஸ் மற்றும் தி குயின்ட் ஆகியவையும் இந்த சம்பவம் குறித்த செய்திகளை வெளியிட்டன.
மைதானத்தில் நடந்த சண்டையில் ஈடுபட்டதற்காக 2 இந்திய வீரர்கள் மற்றும் 3 வங்கதேச வீரர்கள் மீது ஐசிசி குற்றம் சாட்டியதாக கூறப்படுகிறது. வங்கதேச கேப்டன் அக்பர் அலியும் இந்த சம்பவத்திற்கு மன்னிப்பு கேட்டார்.
எனவே, 5 ஆண்டுகள் பழமையான காணொளி ஒன்று சமீபத்தியது என தவறாகப் பகிரப்பட்டது தெளிவாகிறது.
Note : This story was originally published by ‘India Today’ and Translated by ‘News7 Tamil’ as part of the Shakti Collective.
