சென்னை பட்டினப்பாக்கத்தில் சுனாமி நினைவு நாளையொட்டி கூட்டுறவுத்துறை
செயலாளர் டாக்டர் ராதாகிருஷ்ணன் அஞ்சலி செலுத்த சென்றபோது எதிர்பாராத விதமாக அவரது கார் விபத்திற்கு உள்ளானது.
இன்று சுனாமி நினைவு தினம் அனுசரிக்கப்படும் நிலையில் பட்டினப்பாக்கத்தில்
மீனவ குடும்பத்தினருடன் அஞ்சலி செலுத்துவதற்காக உணவு மற்றும் கூட்டுறவுத் துறை
செயலாளர் டாக்டர் ராதாகிருஷ்ணன் தமது இனோவா காரில் பட்டினப்பாக்கம் இணைப்பு சாலை சந்திப்பில் சென்று கொண்டிருந்தார்.
நேரடியாக கூகுள் செய்திகளிலிருந்து நியூஸ் 7 தமிழ், இணையதளத்தின் செய்திகளை உடனுக்குடன் பெற Google News பக்கத்தை Follow செய்யுங்கள்
அப்போது, சென்னையில் இருந்து மேல்மருவத்தூர் நோக்கி செல்லும் டூரிஸ்ட் வாகனம் தவறுதலாக நேருக்கு நேர் மோதியதில் செயலாளர் டாக்டர் ராதாகிருஷ்ணனின் காரின் முன் பகுதி முழுவதுமாக சேதாரமானது.
டூரிஸ்ட் வாகனம் சாலையின் வளைவில் தவறாக ஒட்டியதால் விபத்து ஏற்பட்டதாக
தகவல்கள் வெளியாகியுள்ளது. அதிர்ஷ்டவசமாக எந்த காயங்களும் இன்றி தப்பிய கூட்டுறவு துறை செயலாளர் டாக்டர் ராதாகிருஷ்ணன் தாமாகவே சாலையில் ஏற்பட்ட போக்குவரத்து நெரிசலை சரி செய்ததுடன் தொடர்ந்து சுனாமி தினத்தை ஒட்டி பட்டினப்பாக்கத்தில் அஞ்சலி செலுத்தினார்.