This News Fact Checked by ‘PTI’
காங்கிரஸ் மூத்த தலைவரும், மக்களவைத் எதிர்க்கட்சித் தலைவருமான தலைவருமான ராகுல் காந்தி, ஒரு பெண் மற்றும் மூன்று குழந்தைகளுடன் இருக்கும் புகைப்படம், சமூக ஊடகங்களில் சமீபத்தில் பகிரப்பட்டது. மனைவி மற்றும் குழந்தைகளுடன் ராகுல் காந்தி இருக்கும் படம் ஒரு பயணத்தின் போது கிளிக் செய்யப்பட்டது என பயனர்கள் பதிவிட்டிருந்தனர். அந்தப் பெண் ஜோனிடா வின்சி என்றும் இரண்டு குழந்தைகள் நோஹாக் மற்றும் மினாக் என்றும் பதிவில் குறிப்பிட்டிருந்தனர்.
வைரலான செய்தி குறித்து PTI Fact Check Desk இன் விசாரணையில் அந்த புகைப்படம் 2022 ஆம் ஆண்டிற்கு முந்தையது என்றும், ராகுல் காந்தியுடன் வந்த நபர்கள் ராஜஸ்தான் மாநிலம் பரான் மாவட்டத்தில் உள்ள மகிளா காங்கிரஸ் தலைவர் பிரியங்கா நந்தவானாவின் குழந்தைகள் என்றும் கண்டறிந்துள்ளது. ராகுல் காந்தி, தனது பாரத் ஜோடோ யாத்திரையின் போது, பிரியங்காவின் மூத்த மகள் காமாக்ஷி – அவரைச் சந்திக்க விருப்பம் தெரிவித்த பிறகு அவர்களைச் சந்தித்துள்ளனர். மேலும் அவர்களை ஹெலிகாப்டரில் அழைத்துச் சென்றுள்ளார். மூன்று வருட பழைய புகைப்படம் தற்போதையது போல சமீபத்தில் சமூக ஊடகங்களில் தவறான கூற்றுகளுடன் பகிரப்பட்டது.
சமூக வலைதளங்களில் வைரலான கூற்று :
காங்கிரஸ் தலைவர் ராகுல் காந்தி தனது மனைவி மற்றும் குழந்தைகளுடன் ஒரு பயணத்தில் இருந்ததாக கூறி ஒரு பேஸ்புக் பயனர் ஜனவரி 7 அன்று ஒரு புகைப்படத்தைப் பகிர்ந்துள்ளார்.
பதிவிடப்பட்ட இடுகையின் தலைப்பு பின்வருமாறு: “ ராகுல் காந்தி தனது மனைவி ஜோனிடா வின்சி, மகன் நோஹாக் வின்சி, மகள் மினாக் வின்சி ஆகியோருடன் சுற்றுப்பயணத்தில் இருக்கிறாரா? – ராகுல் வின்சி இந்துக்களை வன்முறை விலங்குகள் என்றும், முட்டாள் என்றும் கூறிவிட்டு இந்திய மக்கள் அவர் பிரதமராக வேண்டும் என்றும் கூறுகிறார். அவருக்கு வெளிநாடுகளுடன் தொடர்பு உள்ளது. அவரது மனைவியின் தந்தை ஒரு போதைப்பொருள் வியாபாரி.” என குறிப்பிடப்பட்டிருந்தது.
உண்மை சரிபார்ப்பு :
பிடிஐ டெஸ்கின் உண்மை சரிபார்ப்பில் படத்தை கூகுள் லென்ஸ் மூலம் இயக்கியதில் அதே புகைப்படம் ஆகஸ்ட் 2024 இல் பகிரப்பட்டதைக் கண்டறிந்தது. இது போன்ற ஒரு இடுகையை இங்கே காணலாம் மற்றும் அதன் காப்பகப்படுத்தப்பட்ட பதிப்பை இங்கே பார்க்கலாம் . மேலும் கீழே அதன் ஸ்கிரீன்ஷாட் உள்ளது.
கூகுள் தேடல் முடிவுகளை மேலும் ஸ்கேன் செய்ததில், ராஜஸ்தான் தக்கின் செய்தியின் அறிக்கையை நாங்கள் கண்டோம், அதில் ராகுல் காந்தி ராஜஸ்தானின் பூண்டியில் உள்ள நந்தவானா குடும்பத்தைச் சேர்ந்த இந்தக் குழந்தைகளைச் சந்தித்து அவர்களுடன் ஹெலிகாப்டர் சவாரி செய்தார் என்று குறிப்பிடப்பட்டுள்ளது.செய்தி அறிக்கைக்கான இணைப்பு இங்கே உள்ளது மற்றும் அதன் ஸ்கிரீன் ஷாட் கீழே உள்ளது
வைரலான புகைப்படம் செய்தி அறிக்கையில் பகிரப்பட்ட படங்களுடன் ஒரு குறிப்பிடத்தக்க ஒற்றுமையைக் கொண்டிருந்தது. வைரலான படத்தையும் செய்தி அறிக்கை வெளியிட்ட படத்தையும் ஒப்பிட்டு கீழே படம் கொடுக்கப்பட்டுள்ளது.
ராகுல் காந்தியுடனான சந்திப்பின் மற்ற புகைப்படங்களை செய்தி அறிக்கை கொண்டுள்ளது, அதை கீழே உள்ள படத்தொகுப்பில் காணலாம்:
மேல் உள்ள படங்களில் மூன்றாவது புகைப்படம் பிரியங்கா நந்தவானாவைக் காட்டுகிறது.
இதைப் பயன்படுத்தி, பிடிஐ டெஸ்க் கூகுளில் முக்கிய வார்த்தைகளைத் தேடியதில் டிசம்பர் 9, 2022 தேதியிட்ட ஏபிபி லைவ் அறிக்கையைக் கண்டறிந்தது. அந்த அறிக்கையின் தலைப்பு: “ராஜஸ்தான் செய்திகள்: ராகுல் காந்தி மூன்று குழந்தைகளுக்கு அளித்த வாக்குறுதியை 10 நாட்களில் நிறைவேற்றினார்.” என கூடுதலாக, செய்தி அறிக்கையின் படம் சமூக ஊடகங்களில் பகிரப்படும் வைரலான புகைப்படத்தைப் போலவே இருந்தது.
அறிக்கைக்கான இணைப்பு இங்கே உள்ளது மற்றும் அதன் ஸ்கிரீன் ஷாட் கீழே உள்ளது.
அறிக்கையின் ஒரு பகுதி குறிப்பிட்டது: “பாரத் ஜோடோ யாத்திரையின் போது மூன்று குழந்தைகளுக்கு அளித்த வாக்குறுதியை ராகுல் காந்தி வெறும் 10 நாட்களில் நிறைவேற்றினார். காங்கிரஸ் கட்சியின் முன்னாள் தலைவர் ராகுல் காந்தி பாரத் ஜோடோ யாத்திரைக்காக ராஜஸ்தான் சென்றுள்ளார். இந்த யாத்திரை வியாழக்கிழமை பூண்டி மாவட்டத்திற்கு சென்றடைந்தது. கோட்டாவில் யாத்திரையை முடித்த ராகுல் காந்தி, குட்லி, பூண்டியில் கட்டப்பட்டுள்ள ஹெலிபேட் மைதானத்திற்கு நேரடியாகச் சென்றார். அங்கு அவருக்காக மூன்று மாணவர்கள் காத்திருந்தனர். அவர்கள் ராகுல் காந்தியுடன் ஹெலிகாப்டர் சவாரி செய்ய வந்திருந்தனர்.” என குறிப்பிட்டிருந்தது
மேலும், டிசம்பர் 9, 2022 தேதியிட்ட ஃபர்ஸ்ட் காபரின் வீடியோ அறிக்கையில், ராகுல் காந்தி தனது தாயார் சோனியா காந்தியின் பிறந்தநாளைக் கொண்டாட பூண்டியில் உள்ள நைனானி பண்ணையிலிருந்து சவாய் மாதோபூருக்குச் சென்றதாகக் கூறியது. காமாக்ஷி தனது 14வது பிறந்தநாளைக் கொண்டாடும் போது, ராகுல் காந்தி தனது கனவை நிறைவேற்றினார், மேலும் குடும்பத்தின் மற்ற குழந்தைகளையும் சந்தித்தார் என குறிப்பிட்டிருந்தார்.
அறிக்கைக்கான இணைப்பு இங்கே உள்ளது மற்றும் அதன் ஸ்கிரீன் ஷாட் மேலே உள்ளது. இதன் மூலம் 2022 ஆம் ஆண்டிற்கு முந்தைய புகைப்படம் சமூக ஊடகங்களில் தவறான கூற்றுகளுடன் சமீபத்தில் பகிரப்பட்டது என்று டெஸ்க் முடிவு செய்தது.
முடிவு :
ராகுல் காந்தி, ஒரு பெண் மற்றும் மூன்று குழந்தைகளுடன் இருக்கும் புகைப்படம், சமூக ஊடகங்களில் சமீபத்தில் பகிரப்பட்டது. அவர்கள் ராகுல் காந்தியின் மனைவி மற்றும் குழந்தைகள் என்றும் ஹெலிகாப்டரின் சவாரி செய்ததாகவும் வைரல் கூற்று தெரிவித்தது. இதுகுறித்து பிடிஐ நடத்திய ஆய்வில் 2022 ஆம் ஆண்டிற்கு முந்தைய புகைப்படம் சமூக ஊடகங்களில் தவறான கூற்றுகளுடன் சமீபத்தில் பகிரப்பட்டது என்று டெஸ்க் முடிவு செய்தது.
Note : This story was originally published by ‘PTI’ and Translated by ‘News7 Tamil’ as part of the Shakti Collective.
