புதுச்சேரியில் ஆக்சிஜன், உயிர் காக்கும் மருந்துகளுக்கு தட்டுப்பாடு இல்லை, என துணைநிலை ஆளுநர் தமிழிசை செளந்தரராஜன் தெரிவித்துள்ளார்.
கொரோனா தடுப்பூசி குறித்து விழிப்புணர்வு ஏற்படுத்துவதற்காக, 30-க்கும் மேற்பட்ட மாற்றுத் திறனாளிகளும், நடிகை ரெஜினா கசாண்ட்ராவும், சைக்கிளில் சென்னையிலிருந்து பேரணியாக புதுச்சேரி வந்தடைந்தனர். அவர்களை ஆளுநர் தமிழிசை சௌந்தரராஜன் வரவேற்றார்.
பின்னர், செய்தியாளர்களிடம் பேசிய அவர், வரும் 1-ம் தேதி முதல், புதுச்சேரியில் 18 வயதுக்கு மேற்பட்டவர்கள் அனைவருக்கும் தடுப்பூசி போடப்பட உள்ளதாகவும், இளைஞர்கள் தயக்கமின்றி தடுப்பூசி செலுத்திக் கொள்ள வேண்டும், என்றும் தெரிவித்தார். புதுச்சேரியில், அதிக அளவில் பரிசோதனை மேற்கொள்ளப்படுவதால், அதிக எண்ணிக்கையில் தொற்றுக்கள் கண்டறியப்படுவதாகவும், அவர் கூறினார்.
