மாவீரன் படத்தின் முன் வெளியீட்டு நிகழ்வு (Pre Release Event) ஜூலை 2 ஆம் தேதி, சென்னையில் நடைபெறும் என படக்குழு அறிவித்துள்ளது.
சிவகார்த்திகேயன், அதிதி ஷங்கர் நடிக்கும் படம், ‘மாவீரன்’. ‘மண்டேலா’ படத்தை இயக்கிய மடோன் அஸ்வின் இயக்குகிறார். இயக்குநர் மிஷ்கின் வில்லனாகவும், நடிகை சரிதா முக்கிய வேடத்திலும் நடிக்கின்றனர். விது அய்யனார் ஒளிப்பதிவு செய்ய ஃபிலோமின்ராஜ் எடிட்டிங் பணிகளை கவனிக்கிறார். இந்தப் படம் தமிழ், தெலுங்கில் பைலிங்குவல் படமாக உருவாகி வருகிறது.
தெலுங்கில் இந்தப் படத்துக்கு ‘மாவீருடு’ என தலைப்பிடப்பட்டுள்ளது. இப்படத்திற்கு ‘ஆடை’, ‘மண்டேலா’ ஆகிய படங்களுக்கு இசையமைத்த பரத் ஷங்கர் இசையமைக்கிறார். இப்படத்தின் முதல் பாடலான ‘சீன் ஆ.. சீன்..ஆ’ சமீபத்தில் வெளியாகி ரசிகர்களிடையே கவனம் பெற்றது. தற்போது இப்படத்தின் இறுதிகட்ட பணிகள் மும்முரமாக நடைபெற்று வருகின்றன. வரும் ஜூலை 14-ம் தேதி அன்று படம் திரையரங்குகளில் வெளியாகும் என அறிவிக்கப்பட்டது.
இதனிடையே, இப்படத்தை ரெட் ஜெயண்ட் மூவீஸ் நிறுவனம் தமிழகத்தில் வெளியிடுகிறது என்பதை படத்தின் தயாரிப்பு நிறுவனம் அதிகாரபூர்வமாக ட்விட்டரில் அறிவித்தது. இதன் தொடர்ச்சியாக வண்ணாரபேட்டையில என்கிற இரண்டாம் சிங்கில் பாடல் கடந்த 14-ஆம் தேதி அன்று வெளியானது.
இந்நிலையில் மாவீரன் திரைப்படத்தின் இசை வெளியீட்டு விழா குறித்த புதிய அப்டேட் வெளிவந்துள்ளது. அதில் மாவீரன் படத்தின் முன் வெளியீட்டு நிகழ்வு அதாவது Pre Release Event ஜூலை 2 ஆம் தேதி, சென்னையை அடுத்த தாம்பரத்தில் உள்ள ஸ்ரீசாய்ராம் பொறியியல் கல்லூரியில் நடைபெறும் என அறிவிக்கப்பட்டுள்ளது.
https://twitter.com/ShanthiTalkies/status/1673329425235038212?s=20
- பி.ஜேம்ஸ் லிசா
