எப்போதும் லோகேஷ் கனகராஜ் படங்களில் லோகேஷ் உடன் இணைந்து கதை உருவாக்கத்திற்கு உதவும் ரத்தினகுமார், இப்படத்திற்கும் கதை விவாதத்தில் ஈடுபட்டு வருகிறார்.
ஆடை, மேயாத மான் படங்களை இயக்கிய ரத்ன குமார் சமீபத்தில் சந்தானத்தை வைத்து குலுகுலு என்ற படத்தை இயக்கினார். இப்படம் வெளியாகி கலவையான விமர்சனங்களைப் பெற்றதோடு பல்வேறு தரப்பு மக்களின் பாராட்டுகளையும் பெற்றது.
இதுவரை இல்லாத வகையில் சந்தானம் சற்று சீரியஸான கேரக்டரில் இந்த படத்தில் நடித்திருந்தார். மேலும் கடைசியாகச் சந்தானம் நடிப்பில் வெளிவந்த டிக்கிலோனா, பிஸ்கோத், சபாபதி ஆகிய படங்கள் எதிர்பார்த்த வரவேற்பைப் பெறவில்லை. இந்த நிலையில் தான் இந்த குலுகுலு திரைப்படம் அவருக்கு ஒரு கம்பேக்காக அமையும் என எதிர்பார்க்கப்பட்டது.
காரணம் இயக்குநர் ரத்தினகுமார் மேயாத மான், ஆடை படங்களை இயக்கினார் என்பதாலும், மாஸ்டர், விக்ரம் படத்திற்கு வசன கர்த்தாவாக இருந்ததாலும் இப்படத்தின் மீதான எதிர்பார்ப்பு அதிகரித்தது. ஆனால் அப்படம் எதிர்பார்த்த அளவிற்கு ரசிகர்களிடம் போதுமான வரவேற்பைப் பெறாமல் போனது.
இந்த நிலையில் விஜய்யின் வாரிசு படத்தைத் தொடர்ந்து விஜயின் 67-வது படம்,லோகேஷ் கனகராஜ் இயக்கத்தால் உருவாக உள்ளது. ஏற்கனவே இவர்களது கூட்டணியில் வெளியான “மாஸ்டர்” திரைப்படம் ரசிகர்கள் மத்தியில் பெரும் வரவேற்பைப் பெற்றது.
இந்த படத்திற்குப் பிறகு விஜய் – லோகேஷ் கனகராஜ் கூட்டணி மீண்டும் இணைய உள்ள நிலையில், இந்த படத்தின் ப்ரீ ப்ரொடக்ஷன் பணிகள் நடந்து வருவதாகவும், எப்போதும் லோகேஷ் கனகராஜ் படங்களில் லோகேஷ் உடன் இணைந்து அவருடன் கதைக்கு உருவாக்கத்திற்கு உதவும் இயக்குநர் ரத்தினகுமார் இப்படத்திற்கும் கதை விவாதத்தில் ஈடுபட்டு வருகிறார்.
இந்நிலையில் தான் ரத்னகுமாரின் அடுத்து ராகவா லாரன்ஸ் நடிக்கும் புதிய படத்தை இயக்கவுள்ளதாகத் தகவல்கள் வெளியாகியுள்ளது. மேலும் இப்படத்தின் கதை லோகேஷ் கனகராஜுடையது எனவும் ராஜ் கமல் ஃபிலிம்ஸ் இன்டர்நேஷனல் தயாரிப்பில் உருவாகும் எனவும் கோலிவுட் வட்டாரத்தில் பரவலாகப் பேசப்படுகிறது. இதுகுறித்த அதிகாரப்பூர்வ அறிவிப்பு விரைவில் வெளிவரும் என எதிர்பார்க்கப்படுகிறது.
