புதியக் கல்விக் கொள்கை தமிழ் மொழியில் வெளியிடப்படாததற்குத் தொடர் எதிர்ப்பு எழுந்த நிலையில் தற்போது தமிழ் மொழியில் வெளியிடப்பட்டுள்ளது.
1986ம் ஆண்டு வரையறை செய்யப்பட்ட தேசியக் கல்விக்கொள்கைக்கு மாற்றாக புதிய கல்விக்கொள்கை அறிவிக்கப்பட்டது. இதற்கு மத்திய அமைச்சரகம் கடந்த ஆண்டு ஒப்புதல் அளித்ததைத் தொடர்ந்து இது நடைமுறைக்குக் கொண்டுவரப் பட்டது. இந்நிலையில் புதிய தேசியக் கல்விக்கொள்கையை மாநில மொழிகளில் மொழிபெயர்த்து வெளியிட முடிவு செய்யப்பட்டது.
இந்நிலையில் குஜராத்தி, கன்னடம், அசாமி உள்ளிட்ட 17 மொழிகளில் புதிய கல்விக் கொள்கையானது மொழி பெயர்ந்து வெளியிடப்பட்டது. ஆனால் தமிழில் மட்டும் வெளியாகவில்லை. இதற்கு அரசியல் கட்சித் தலைவர்கள், கல்வியாளர்கள் கடும் எதிர்ப்பு தெரிவித்தனர். இந்நிலையில் தற்போது புதிய கல்விக்கொள்கை தமிழில் மொழிபெயர்க்கப்பட்டு வெளியிடப்பட்டுள்ளது.
