விஜய் நடித்த ‘லியோ’ திரைப்படம் ஒரு நாளைக்கு முன்பே வெளியாவதற்கு வாய்ப்புள்ளதாக கமலா திரையரங்கம் தெரிவித்துள்ளது.
விஜய் நடிப்பில் உருவாகி உள்ள படம் லியோ. லலித் தயாரிப்பில், லோகேஷ் கனகராஜ் இயக்கத்தில், அனிருத் இசையில், பிலோமின் ராஜ் படத்தொகுப்பில், சதீஷ்குமார் கலை இயக்கத்தில், அன்பறிவு ஸ்டண்ட் இயக்கத்தில், தினேஷ் நடன இயக்கத்தில் இந்த படம் உருவாகி உள்ளது. விஜய் ஜோடியாக த்ரிஷா நடித்துள்ள இந்த படத்தில் சஞ்சய்தத், பிரியா ஆனந்த், சாண்டி மாஸ்டர், மிஷ்கின், மன்சூர் அலிகான், மேத்யூ தாமஸ், கௌதம் மேனன் மற்றும் ஆக்சன் கிங் அர்ஜுன் என நடிகர் பட்டாளமே களமிறங்கியுள்ளனர்.
‘லியோ’ திரைப்படத்தின் டிரைலர் நேற்று முன்தினம் மாலை 6.30 மணிக்கு வெளியானது. மிகவும் எதிர்பார்ப்பை ஏற்படுத்திய இந்த படத்தின் டிரைலர் மிகப்பெரிய கவனத்தை ரசிகர்கள் மத்தியில் பெற்றுள்ளது. வெளியான ஐந்து நிமிடங்களிலேயே ஒரு மில்லியன் பார்வையாளர்களால் இந்த டிரைலர் பார்க்கப்பட்டு சாதனைப் படைத்தது.
https://twitter.com/kamala_cinemas/status/1710564620795326588
