ஒரே மாதத்தில் 32,585 எஸ்யூவிக்களை விற்பனை செய்த மஹிந்திரா!

மக்களிடையே மிகவும் வரவேற்பு பெற்ற மஹிந்திரா கார் நிறுவனத்தின் கார் என்றால் அது ஸ்கார்பியோ. கடந்த 2002-ம் ஆண்டு வெளியான இந்த கார் “Car of the Year”, “Best SUV of the Year”, “Best Car of the Year” போன்ற விருதுகளைப் பெற்று அந்நிறுவனத்திற்கு பெருமை சேர்த்தது.

இந்த நிறுவனம் கடந்த ஜூன் மாதம் 32,585 எஸ்யூவிக்களை விற்பனை செய்து 22.4% வளர்ச்சியை பதிவு செய்துள்ளது. கடந்த ஆண்டு இதே காலகட்டத்தில் அதன் விற்பனை 26,620-ஆக இருந்தது குறிப்பிடத்தக்கது.

கடந்த 2022 ஜூன் மாதத்தில் 26,620 யூனிட்டுகள் விற்பனையான நிலையில், இந்த ஆண்டு மே மாதத்தில் 32,883 யூனிட்டுகளும் விற்பனையாகியுள்ளன. அதே வேளையில் ஜூன் மாதத்தில் 2,505 யூனிட்களை ஏற்றுமதி செய்துள்ளது. இதில் வணிக மற்றும் பயணிகள் வாகனங்களும் அடங்கும் என்று மஹிந்திரா நிறுவனம் தெரிவித்துள்ளது.