அதிமுக பொதுக்குழு கூட்டத்தை நடத்திக் கொள்ள சென்னை உயர்நீதிமன்றம் அனுமதி வழங்கியதைத் தொடர்ந்து, காலை 9.15 மணிக்கு தொடங்கி நடைபெற்று வருகிறது. பொதுக்குழுவில் நிறைவேற்றப்படவுள்ள 16 தீர்மானங்கள் என்ன என்பது குறித்து தற்போது பார்க்கலாம்.
அதிமுக அமைப்புத் தேர்தல்கள் மூலம் தேர்ந்தெடுக்கப்பட்டுள்ள நிர்வாகிகளுக்கு வாழ்த்து தெரிவிப்பது.
தந்தை பெரியார், பேரறிஞர் அண்ணா, ஜெயலலிதா ஆகியோருக்கு பாரத ரத்னா விருது வழங்க மத்திய அரசை வலியுறுத்துவது குறித்து தீர்மானம்.
அதிமுக ஒருங்கிணைப்பாளர், இணை ஒருங்கிணைப்பாளர் என்ற இரட்டைத் தலைமையை ரத்து செய்து, கழகத்தின் அடிப்படை உறுப்பினர்களால் தேர்வு செய்யப்படும் பொதுச் செயலாளர் பொறுப்பு குறித்து விவாதித்து முடிவு எடுக்கப்படும்
அதிமுக இடைக்கால பொதுச் செயலாளர் பொறுப்பை உருவாக்குவது குறித்து விவாதித்து முடிவு எடுக்கப்படும்.
அதிமுக இடைக்கால பொதுச் செயலாளரை நடைபெறவுள்ள பொதுக் குழுவிலேயே தேர்வு செய்ய வேண்டுதல் ஆகிய தீர்மானங்கள் நிறைவேற்றப்படும்.
மேலும், அதிமுக பொதுச் செயலாளர் தேர்தல் குறித்து அறிவிப்பு வெளியிட கோரும் தீர்மானம் நிறைவேற்றப்பட்டு அதிமுகவின் தற்போதைய நிலை குறித்து விவாதித்து கட்சி வளர்ச்சி குறித்து கூட்டத்தில் விவாதித்து முடிவு எடுக்கப்படும்.
எம்.ஜி.ஆர், ஜெயலலிதா ஆட்சியின் சாதனைகளும், எடப்பாடி பழனிசாமி அவர்கள் தலைமையில் செயல்பட்ட அரசின் வரலாற்று வெற்றிகளுக்கும் பாராட்டு தெரிவித்தல் தொடர்பாக தீர்மானம்.
அதிமுக அரசின் மக்கள் நலத்திட்டங்களை ரத்து செய்யும் திமுக அரசிற்கு கண்டனம் தெரிவித்து தீர்மானம் நிறைவேற்றப்படும்.
சட்டம் ஒழுங்கை பேணிக் காக்க தவறிய, விலைவாசி உயர்வை கட்டுப்படுத்த தவறிய, மக்கள் விரோத திமுக அரசுக்கு கண்டனம் தெரிவித்து தீர்மானம் நிறைவேற்றப்பட உள்ளது.
மேகதாது அணை கட்டும் முயற்சியை தடுத்து நிறுத்த மத்திய மாநில அரசுகளை வலியுறுத்தி தீர்மானம் நிறைவேற்றப்பட உள்ளது.
இலங்கை தமிழர் நலன் காக்க மத்திய மாநில அரசுகளிடம் வலியுறுத்தப்படுகிறது.
அரசு அலுவலர்கள் மற்றும் ஆசிரியர்களுக்கு வழங்கிய வாக்குறுதிகளை நிறைவேற்ற திமுக அரசுக்கு வலியுறுத்தல்.
நெசவாளர் துயர் துடைக்க மத்திய மாநில அரசுகளை வலியுறுத்துதல்.
தேர்தல் வாக்குறுதிகளை நிறைவேற்றாமல், அரசியல் காழ்புணர்ச்சியோடு கழகத்தினர் மீது பொய் வழக்கு போடும் திமுக அரசுக்கு கண்டனம் தெரிவித்தல் என மொத்தம் 16 தீர்மானங்கள் நிறைவேற்றப்பட உள்ளதாக தகவல் வெளியாகி உள்ளது.
