தொற்று பரவல் குறைவாக உள்ள சென்னை உள்ளிட்ட 4 மாவட்டங்களில் 50 சதவீத பயணிகளுடன் இன்று முதல் பேருந்துகள் இயக்கப்படும் என மாநகரப் போக்குவரத்துக்கழகம் அறிவித்துள்ளது. சென்னையில் மட்டும் 1,400 பேருந்துகள் இயக்கம்.
தமிழ்நாட்டில், ஊரடங்கில் தளர்வுகள் அறிவிக்கப்பட்டுள்ளன. அதன்படி, தொற்று பரவல் குறைவாக உள்ள சென்னை உள்ளிட்ட 4 மாவட்டங்களில் 50 சதவீத பயணிகளுடன் பேருந்து போக்குவரத்துக்கு அனுமதி அளிக்கப்பட்டுள்ளது. அதன் அடிப்படையில், கொரோனா வழிகாட்டு நெறிமுறைகளை பின்பற்றி, பேருந்துகளில் கிருமிநாசினி கொண்டு சுத்தம் செய்து பேருந்துகளை இயக்க உத்தரவிடப்பட்டுள்ளது.
இதுதொடர்பாக மாநகரப் போக்குவரத்து கழகம் வெளியிட்டுள்ள செய்திக்குறிப்பில், இன்று காலை 6 மணி முதல் 50 சதவீத பயணிகளுடன் பேருந்துகள் இயக்கப்படும் என தெரிவிக்கப்பட்டுள்ளது. பொதுமக்கள் முகக்கவசம் அணிந்தும், தனிமனித இடைவெளியை கடைபிடித்தும் பேருந்துகளில் பயணம் செய்ய வேண்டும் என்றும் சென்னை மாநகரப் போக்குவரத்து கழகம் கேட்டுக்கொண்டுள்ளது.
