வாட்ஸ்-ஆப் மற்றும் இன்ஸ்டாகிராம் பக்கத்தில் ஆபாசக் குறுச்செய்திகள் மற்றும் ஆபாசப்படங்களை அனுப்புவதாக நடிகை சனம் ஷெட்டி சைபர் கிரைம் போலீசாரிடம் புகார் அளித்துள்ளார்.
தமிழ் மற்றும் மலையாளத்தில் நடித்து வருபவர் சனம் ஷெட்டி. அம்புலி, மாயை, விலாசம், சதுரம் 2 உள்ளிட்ட தமிழ் படங்களில் நடித்துள்ள நடிகை சனம் ஷெட்டி, பிக்-பாஸ் நிகழ்ச்சியில் பங்கேற்றதன் மூலம் அதிக பிரபலமடைந்தார்.
சமூக வலைதளத்தில் எப்போதும் பரபரப்பாக இருக்கும் நடிகை சனம், தனது வாட்ஸ்-ஆப் மற்றும் இன்ஸ்டாகிராமுக்கு மர்ம நபர் ஒருவர், ஆபாசக் குறுஞ்செய்திகள் மற்றும் புகைப்படங்களை அனுப்பி வருவதாக அடையாறு சைபர் கிரைம் போலீசில் புகார் அளித்துள்ளார். இது தொடர்பாக அடையாறு சைபர் கிரைம் போலீசார் விசாரித்து வருகின்றனர்.
