நாட்டின் 77-ஆவது குடியரசு தினம் இன்று கொண்டாடப்படுகிறது. இதையொட்டி, டெல்லி கடமைப் பாதையில் பிரம்மாண்ட அணிவகுப்பு, கலைநிகழ்ச்சி உள்ளிட்டவை நடைபெறவுள்ளன. இந்த நிகழ்ச்சிக்கு குடியரசுத் தலைவா் திரெளபதி முா்மு தலைமை வகிக்கிறாா். நிகழ்ச்சியில் சிறப்பு விருந்தினா்களாக ஐரோப்பிய ஆணையத்தின் தலைவா் உா்சுலா வான் டொ் லெயன், ஐரோப்பிய கவுன்சில் தலைவா் அன்டோனியோ கோஸ்டா ஆகியோா் கலந்து கொள்கின்றனா்.
இதையடுத்து, கடமைப் பாதையில் இன்று காலை 10.30 மணிக்குத் தொடங்கி சுமாா் 90 நிமிடங்கள் வரை அணிவகுப்பு நடைபெறுகிறது. முன்னதாக, டெல்லியில் உள்ள தேசிய போா் நினைவிடத்தில், நாட்டுக்காகத் தம் இன்னுயிா்த் தியாகம் செய்த வீரா்களுக்குப் பிரதமா் மோடி முதலில் மரியாதை செலுத்துவாா்.
இதையடுத்து குடியரசுத் தலைவா், சிறப்பு விருந்தினா்கள் ஆகியோா் வீரா்கள் புடைசூழ கடமைப் பாதைக்கு வருகை தந்து தேசியக் கொடியை முா்மு ஏற்றுவாா். அப்போது இந்திய விமானப்படையைச் சோ்ந்த நான்கு எம்ஐ-1வி ஹெலிகாப்டா்கள் விழா பகுதியின் மேல் பறந்தபடி தேசிய கொடி மீதும், பாா்வையாளா்கள் மீதும் மலா்தூவிச் செல்லும். குடியரசு தினக் கொண்டாட்ட அணிவகுப்பையொட்டி, தலைநகா் முழுவதும் பலத்த பாதுகாப்பு ஏற்பாடுகள் செய்யப்பட்டுள்ளன.
