வெஸ்ட் இண்டீஸ் அணி இந்தியாவில் சுற்றுப்பயணம் மேற்கொண்டு 3 ஒருநாள் போட்டிகள் மற்றும் 5 டி20 போட்டிகள் கொண்ட தொடரில் விளையாடி வருகிறது. இந்நிலையில், இந்தியா-வெஸ்ட் இண்டீஸ் அணிகள் இடையிலான முதல் இரண்டு ஒருநாள் போட்டிகளிலும் இந்திய அணி அதிரடியாக ஆடி வெற்றி பெற்றது. இதன்மூலம் 2-0 என்ற கணக்கில் இந்திய அணி முன்னிலை வகிக்கிறது.
இந்த நிலையில், இரு அணிகளுக்கும் இடையிலான 3-வது மற்றும் கடைசி ஒருநாள் போட்டி நேற்று சண்டிகரில் நடைபெற்றது. இதில், டாஸ் வென்ற இந்திய அணியின் கேப்டன் சுப்மன் கில் பேட்டிங்கைத் தேர்வு செய்தார். அதன்படி, சுப்மன் கில் மற்றும் ரோகித் சர்மா ஆகியோர் தொடக்க ஆட்டக்காரர்களாக களமிறங்கினர். இறுதியில் 50 ஓவர்கள் முடிவில் இந்திய அணி 5 விக்கெட் இழப்புக்கு 351 ரன்கள் எடுத்தது. வெஸ்ட் இண்டீஸ் சார்பில் ஜெய்டன் 3 விக்கெட்டுகளையும், கீமோ 2 விக்கெட்டுகளையும் வீழ்த்தினர். இதையடுத்து, 352 ரன் எடுத்தால் வெற்றி என்ற இலக்குடன் வெஸ்ட் இண்டீஸ் களமிறங்கியது. வெஸ்ட் இண்டீஸ் அணி 352 ரன்கள் என்ற இலக்கை 49வது ஓவரில் விரட்டிப் பிடித்து 5 விக்கெட் வித்தியாசத்தில் இந்தியாவை வீழ்த்தியது.
