விஜய் நடிப்பில் லோகேஷ் கனகராஜ் இயக்கத்தில் உருவாகிவரும் ”விஜய் 67” படத்தில் நடிகர் யோகிபாபு இணைந்துள்ளார்.
தமிழ் திரையுலகில் முன்னணி நடிகரான விஜய், தற்போது தெலுங்கு இயக்குநர் வம்சி இயக்கத்தில் வாரிசு எனும் படத்தில் நடித்து வருகிறார். இந்த படம் தமிழ் மற்றும் தெலுங்கு மொழிகளில் நேரடியாக வெளியாக உள்ளது. இந்த படத்தில் நடிகர் விஜய்க்கு ஜோடியாக ரஷ்மிகா மந்தனா நடித்து வருகிறார். பிரகாஷ்ராஜ், சரத்குமார், ஷாம், குஷ்பு உள்ளிட்டோர் இந்த படத்தில் முக்கிய கதாபாத்திரத்தில் நடித்துள்ளனர்.
விஜய்யின் 66வது படமான வாரிசு ஏற்படுத்தும் பரபரப்பை விட அடுத்து லோகேஷ் கனகராஜ் இயக்கத்தில் விஜய் நடிக்க உள்ள 67வது படம் பற்றிய தகவல்கள் திரையுலகத்தில் பரபரப்பை ஏற்படுத்தி வருகிறது.
அதன்படி இந்த படத்தில் புதிய தகவல் ஒன்று வெளியாகியுள்ளது. அதன்படி தளபதி 67 வது படத்தில் காமெடி நடிகராக யோகி பாபு நடித்துள்ளதாக கூறப்படுகிறது. ஏற்கனவே வேலாயுதம், பிகில், மாஸ்டர் ,சர்க்கார் உள்ளிட்ட படங்களில் விஜயுடன் யோகி பாபு நடித்துள்ளார். அதனைத் தொடர்ந்து விஜய் யோகிபாபு இணையும் 6 வது திரைப்படம் ‘தளபதி 67’ என்பது குறிப்பிடதக்கது.
