உலக ஈரநிலங்கள் நாளை முன்னிட்டு மேலும் 2 ராம்சர் பகுதிகளை முதலமைச்சர் மு.க.ஸ்டாலின் அறிவித்துள்ளார். இது குறித்து முதலமைச்சர் மு.க.ஸ்டாலின் எக்ஸ் தளத்தில் பதிவு ஒன்றை வெளியிட்டுள்ளார்.
அந்த பதிவில், “உலக ஈரநிலங்கள் நாளான இன்று, ராமநாதபுரம் மாவட்டத்தில் உள்ள சக்கரக்கோட்டை மற்றும் தேர்த்தங்கல் பறவைகள் சரணாலயங்கள் என இரண்டு ராம்சர் தளங்களின் பெயரைப் பகிர்ந்து கொள்வதில் நான் மிகவும் மகிழ்ச்சியடைகிறேன்.
இதன் மூலம் தமிழ்நாட்டில் உள்ள ராம்சர் தளங்களின் எண்ணிக்கை 20 ஆக உயர்ந்துள்ளது. இது நாட்டிலேயே மிக உயர்ந்ததாகும். 2021 ஆம் ஆண்டில் தமிழ்நாடு ஈரநிலங்கள் திட்டம் அறிவிக்கப்பட்டதை தொடர்ந்து 19 தளங்கள் தொடங்கப்பட்டன.
On this #WorldWetlandsDay, I am extremely delighted to share the designation of two more Ramsar sites, Sakkarakottai and Therthangal Bird Sanctuaries in Ramanathapuram District, increasing the number of #Ramsar sites in Tamil Nadu to 20, the highest in the country, with 19 sites…
— M.K.Stalin (@mkstalin) February 2, 2025
நமது திராவிட மாடல் அரசாங்கம் ஈரநிலங்களைப் பாதுகாப்பதில் உறுதியாக உள்ளது மற்றும் நமது வளமான இயற்கை பாரம்பரியத்தைப் பாதுகாக்க தொடர்ந்து முன்னெச்சரிக்கை நடவடிக்கைகளை எடுப்போம்” என குறிப்பிட்டுள்ளார்.
