இந்தியா – நியூசிலாந்து அணிகள் மோதும் உலக டெஸ்ட் சாம்பியன்ஷிப் இறுதி ஆட்டம் இன்று மதியம் 3 மணிக்கு தொடங்குகிறது.
இங்கிலாந்தின் சவுத்தாம்ப்டனில் நடைபெறவுள்ள இந்த ஆட்டத்தில் இந்தியா – நியூசிலாந்து அணிகள் பலப்பரீட்சை நடத்துகின்றன. இந்த போட்டியில் இந்திய அணியில் விளையாடவுள்ள 15 பேர் கொண்ட பட்டியல் ஏற்கனவே அறிவிக்கப்பட்ட நிலையில், களம் இறங்கும் 11 வீரர்களின் பட்டியல் வெளியிடப்பட்டுள்ளது.
விராட் கோலி தலைமையில் களம் இறங்கும் இந்திய அணியில், ரோகித் ஷர்மா, ஷூப்மான் கில், புஜாரா, ரகானே, ரிஷப் பண்ட், ஜடேஜா, அஷ்வின், பும்ரா, இஷாந்த் ஷர்மா, முகமது ஷமி ஆகியோர் இடம்பெற்றுள்ளனர். இதன்படி, மூன்று வேகப்பந்து வீச்சாளர்கள் மற்றும் 2 சுழற்பந்து வீச்சாளர்களுடன் இந்திய அணி களம் காண்கின்றது.
