நடிகர் விஜய் இன்ஸ்டாகிராமில் கணக்கு தொடங்கியுள்ள நிலையில், அவரை பின்தொடர்பவர்களின் எண்ணிக்கை நொடிக்கு நொடி அதிகரித்து வருகிறது.
தமிழ் சினிமாவில் முன்னணி நடிகராக வலம் வருபவர் நடிகர் விஜய். 60-க்கும் மேற்பட்ட படங்களில் நடித்து தனக்கென ரசிகர் பட்டாளத்தை குவித்து வைத்திருப்பவர். வாரிசு படத்தைத் தொடர்ந்து, லோகேஷ் கனகராஜ் இயக்கும் ’லியோ’ திரைப்படத்தில் தற்போது நடித்து வருகிறார்.
இதையும் படியுங்கள் : ஆங்கிலம் பயன்படுத்தினால் அபராதம்! – இத்தாலி அரசின் அதிரடி முடிவு
ரசிகர்களால் ’தளபதி’ என்று கொண்டாடப்படும் இவர், சீரிய நடிப்பால் பலரது உள்ளங்களைக் கவர்ந்தவர். பெரியவர்கள் மட்டுமல்லாமல், சிறு குழந்தைகளின் மனதிலும் விஜய்-க்கு என்று தனி இடம் இருக்கிறது. இந்திய அளவிலும் மிகவும் பிரபலமானவராக விஜய் திகழ்ந்து வருகிறார்.
இந்நிலையில், ட்விட்டர், ஃபேஸ்புக்கை தொடர்ந்து இன்ஸ்டாகிராமில் விஜய் கணக்கு தொடங்கியுள்ளார். விஜய்-ன் அதிகாரப்பூர்வ இந்த கணக்கை ஏராளமானோர் பின்தொடர்ந்து வருகின்றனர். நொடிக்கு 1000 பேர் பின்தொடர்கின்றனர். தொடங்கிய அரை மணி நேரத்தில் 3 லட்சத்திற்கும் அதிகமானோர் பின்தொடர்ந்துள்ள நிலையில், இந்த எண்ணிக்கை தொடர்ந்து அதிகரித்து வருகிறது.
