டோக்கியோ ஒலிம்பிக்கில் பங்கேற்பதற்காக சென்ற செர்பியாவைச் சேர்ந்த வீரருக்கு கொரோனா தொற்று உறுதி செய்யப்பட்டுள்ளது.
32வது ஒலிம்பிக் போட்டிகள் ஜப்பானின் டோக்கியோ நகரில் வரும் 23ம் தேதி தொடங்கி அடுத்த மாதம் 8ம் தேதி வரை நடைபெறவுள்ளது. இதில் பங்கேற்கவுள்ள வீரர்கள், 3 வாரங்களுக்கு முன்னதாகவே ஜப்பான் சென்று அங்கு பயிற்சியில் ஈடுபடுவார்கள். இதற்காக, செர்பியாவைச் சேர்ந்த துடுப்புப் படகு போட்டி வீரர்கள் விமானம் மூலம் டோக்கியோ சென்றனர்.
டோக்கியோ விமான நிலையத்தில் அவர்களுக்கு கொரோனா பரிசோதனை மேற்கொள்ளப்பட்டதில் ஒருவருக்கு தொற்று பாதிப்பு உறுதி செய்யப்பட்டுள்ளது. இதனையடுத்து அவருடன் விமானத்தில் பயணித்த 4 வீரர்களும் தனிமைப்படுத்தப்பட்டுள்ள நிலையில், அவர்களுக்கும் பரிசோதனை நடைபெறவுள்ளதாக ஜப்பான் நாட்டு சுகாதாரத்துறை அதிகாரிகள் தெரிவித்துள்ளனர்.
ஒலிம்பிக் போட்டிகள் விரைவில் தொடங்கவுள்ள நிலையில், வீரர் ஒருவருக்கு கொரோனா பாதிப்பு உறுதி செய்யப்பட்டுள்ளது அதிர்ச்சியை ஏற்படுத்தியுள்ளது.
Advertisement: