8 வயது சிறுமியின் புற்றுநோய் சிகிச்சைக்காக நியூசிலாந்து கிரிக்கெட் வீரர் டிம் சவுத்தி, டெஸ்ட் சாம்பியன்ஷிப் இறுதிப்போட்டியின்போது தாம் அணிந்திருந்த ஜெர்சியை ஏலத்தில் விடுகிறார்.
நியூசிலாந்தைச் சேர்ந்த ஹோலி பேட்டி என்ற சிறுமி, அரிய வகை புற்றுநோயால் பாதிக்கப்பட்டுள்ளார். இந்த சிறுமிக்கு உதவ முன்வந்த டிம் சவுத்தி, டெஸ்ட் சாம்பியன்ஷிப் கோப்பையை வென்றபோது தாம் அணிந்திருந்த ஜெர்சியை ஏலத்தில் விட முடிவு செய்துள்ளார்.
நியூசிலாந்து கிரிக்கெட் அணி வீரர்கள் அனைவரும் கையெழுத்திட்ட இந்த ஜெர்சி, ஜூலை 8ம் தேதி ஏலத்திற்கு வருகிறது. இதன் மூலம் பெறப்படும் தொகை முழுவதும், சிறுமியின் மருத்துவ செலவுக்கு அளிக்கப்படும் என டிம் சவுத்தி தெரிவித்துள்ளார்.
