தமிழ் நாட்டில் நிர்வாகரீதியாக அவ்வப்போது ஐஏஎஸ் மற்றும் ஐபிஎஸ் அதிகாரிகள் இடமாற்றம் செய்யப்படுவது வழக்கம். அந்த வகையில் தற்போது 3 ஐபிஎஸ் அதிகாரிகள் இடமாற்றம் செய்யப்பட்டுள்ளனர். இது தொடர்பாக அரசு கூடுதல் தலைமைச் செயலாளர் கே. மணிவாசன் வெளியிட்டுள்ள அறிவிப்பில் கூறப்பட்டுள்ளதாவது :
- சென்னை குற்றப்பிரிவு சி.ஐ.டி-யின் காவல் துணைத் தலைவரான டாக்டர் வி. வருண் குமார், ஐ.பி.எஸ். அவர்கள், ஈரோடு சிறப்பு அதிரடிப்படையின் காவல் துணைத் தலைவராக நியமிக்கப்படுகிறார்.
- தற்போது கட்டாயக் காத்திருப்பில் உள்ள காவல் துறை துணைத் தலைவர் (DIG) வி. விக்ரமன், ஐ.பி.எஸ். சென்னை, குற்றப்பிரிவு சி.ஐ.டி. (Crime Branch CID) காவல் துறை துணைத் தலைவராக (டாக்டர் வி. வருண் குமார், ஐ.பி.எஸ். அவர்களுக்குப் பதிலாக) நியமிக்கப்படுகிறார்.
- கட்டாயக் காத்திருப்பில் உள்ள காவல் கண்காணிப்பாளர் பி. ரகுபதி, ஐ.பி.எஸ்., தற்போது தாம்பரம் காவல் ஆணையரகத்தின் பல்லிக்கரணை பகுதியில் சட்டம்-ஒழுங்கு பிரிவு காவல் துணை ஆணையராக நியமிக்கப்படுகிறார். இவ்வாறு அதில் கூறப்பட்டுள்ளது.
