தூத்துக்குடி மாவட்டம் கோவில்பட்டியில் நடைபெற்று வரும் அகில இந்திய ஹாக்கி போட்டியில் நேற்று நடைபெற்ற ஆட்டங்களில் சென்னை, மும்பை, டெல்லி அணிகள் வெற்றி பெற்றன.
தூத்துக்குடி மாவட்டம் கோவில்பட்டி கிருஷ்ணா நகரிலுள்ள செயற்கை புல்வெளி மைதானத்தில் 12-வது அகில இந்திய அளவிலான ஹாக்கி போட்டி நடைபெற்று வருகிறது. நாடு முழுவதிலும் இருந்து சுமார் 16 அணிகள் போட்டிகளில் பங்கேற்பதெற்கென வந்துள்ளன. அணிகளை 4 பிரிவுகளாக பிரித்து லீக் சுற்று போட்டிகள் நடைபெற்று வருகின்றன. லீக் சுற்று போட்டிகள் கடந்த 18ம் தேதி முதல் தொடங்கியது.
6-வது நாளாக நடைபெற்று வரும் போட்டியின் முதலாவது ஆட்டத்தில் மும்பை யூனியன் பேங்க் அணியும், ஹீப்ளி சவுத் வெஸ்டர்ன் அணியும் மோதின. இதில் 6:1 என்ற கோல் கணக்கில் மும்பை அணி வெற்றி பெற்றது. மேலும் மற்றொரு ஆட்டத்தில் நியூ டெல்லி பெட்ரோலியம் ஸ்போர்ட்ஸ் அணியும் பெங்களூரு ஸ்போர்ட்ஸ் அணியும் மோதின.இதில் 3;2 என்ற கோல்கணக்கில் நியூ டெல்லி அணி வெற்றி பெற்றது.
நேரடியாக கூகுள் செய்திகளிலிருந்து நியூஸ் 7 தமிழ், இணையதளத்தின் செய்திகளை உடனுக்குடன் பெற Google News பக்கத்தை Follow செய்யுங்கள்
மேலும் நடந்த மூன்றாவது ஆட்டத்தில் சென்னை இந்தியன் பேங்க் அணி,பெங்களூரு கனரா பேங்க் அணியை 3:1 என்ற கோல் கணக்கில் வீழ்த்தியது.
—-வேந்தன்
SHARE
