இயக்குநர் கமல் பிரகாஷ் இயக்கத்தில் ஜிவி பிரகாஷ் தனது 25வது படத்தில் நடித்துள்ளார். கிங்ஸ்டன் எனப் பெயரிடப்பட்டுள்ள இந்த படத்தில் ஜிவிக்கு ஜோடியாக திவ்யபாரதி நடித்துள்ளார். இது ஜிவி.பிரகாஷ் குமார் தயாரிக்கும் முதல் படம் ஆகும்.
கடந்த 2021ஆம் ஆண்டு ஜிவி, திவ்யபாரதி நடிப்பில் வெளிவந்த ‘பேச்சுலர்’ பெரிய அளவில் பேசப்பட்டது. இதனைத்தொடர்ந்து கிங்ஸ்டன் படத்தில் இந்த ஜோடி மீண்டும் இணைந்துள்ளது. இதனால் படத்தின் மீதான எதிர்பார்ப்பு ரசிகர்களிடையே அதிகரித்துள்ளது. சமீபத்தில் இந்தப் படத்தின் ஃபர்ஸ்ட் லுக் மற்றும் டீசர் வெளியிடப்பட்டது.
இந்நிலையில் இப்படத்தின் முதல் பாடலான ‘ராசா ராசா’ பாடலின் லிரிக்கல் வீடியோ வெளியாகி உள்ளது.
