முக்கியச் செய்திகள் தமிழகம்

மீண்டும் பொது நுழைவுத் தேர்வு – யுஜிசி உத்தரவு

நாடு முழுவதும் உள்ள மத்திய பல்கலைக்கழகங்களில், 2022-2023-ம் ஆண்டுக்கான மாணவர் சேர்க்கை, பொது நுழைவுத் தேர்வு மூலமாகவே நடத்தப்பட வேண்டும் என்று பல்கலைக்கழக மானியக்குழு உத்தரவிட்டுள்ளது.

இதுதொடர்பாக பல்கலைக்கழக மானியக்குழு வெளியிட்டுள்ள உத்தரவில், நாடு முழுவதும் உள்ள மத்திய பல்கலைக்கழகங்களில் பொது நுழைவுத் தேர்வு அமலுக்கு வருவதாக தெரிவித்துள்ளது. வரும் 2022-2023-ம் ஆண்டுக்கான மாணவர் சேர்க்கை, பொது நுழைவுத் தேர்வு மூலமாகவே நடத்தப்பட வேண்டும் என்றும் அது உத்தரவிட்டுள்ளது.

நேரடியாக கூகுள் செய்திகளிலிருந்து நியூஸ் 7 தமிழ், இணையதளத்தின் செய்திகளை உடனுக்குடன் பெற Google News பக்கத்தை Follow செய்யுங்கள்

தனித்தனி நுழைவுத் தேர்வுகள் மூலமாகவோ, 12-ம் வகுப்பு மதிப்பெண்களின் அடிப்படையிலோ, மத்திய பல்கலைக்கழகங்களில் மாணவர் சேர்க்கை நடத்தப்படக் கூடாது என்று குறிப்பிட்டுள்ள பல்கலைக்கழக மானியக் குழு, CUET எனப்படும், Common University Entrance Test மூலம் பெறும் மதிப்பெண்களின் அடிப்படையிலேயே வரும் கல்வியாண்டுக்கான மாணவர் சேர்க்கை நடத்தப்பட வேண்டும் என்று தெரிவித்துள்ளது.

நாடு முழுவதும் உள்ள மத்திய பல்கலைக்கழகங்களுக்கு மட்டுமல்லாது, அவற்றுடன் இணைவு பெற்ற கல்லூரிகளுக்கும் இது பொருந்தும் என்றும் பல்கலைக்கழக மானியக்குழு தெரிவித்துள்ளது. CUET தேர்வு, வரும் ஜூலை முதல் வாரத்தில் தேசிய தேர்வு முகமை நடத்துகிறது என்பது குறிப்பிடத்தக்கது.

சமீபத்திய செய்திகளையும், ட்ரெண்டிங் செய்திகளையும், அறிய News7 Tamil Express App – ஐ தரவிறக்கம் செய்யுங்கள்.
Advertisement:
SHARE

Related posts

தென்மேற்கு பருவமழை 15ம் தேதி தொடங்க வாய்ப்பு!

Arivazhagan Chinnasamy

பிரிட்டன் பிரதமர் தேர்தல் – வரலாறு படைப்பாரா ரிஷி சுனக்?

Mohan Dass

சத்தியமங்கலத்தில் வனத்துறை வைத்த கூண்டில் சிக்கிய சிறுத்தை

Web Editor