துல்கர் சல்மான் நடித்துள்ள ‘கிங் ஆஃப் கோதா’ திரைப்படத்தின் டீசர் ஜூன் 28ம் தேதி வெளியாகவதாக அறிவிப்பு வந்துள்ளது. இந்த திரைப்படத்தின் தமிழ் டீசரை நடிகர் சிலம்பரசன் வெளியிடவுள்ளார்.
துல்கர் சல்மான் நடித்துள்ள ‘கிங் ஆஃப் கோதா’ திரைப்படத்தின் டீசர் ஜூன் 28ம் தேதி மாலை 6 மணிக்கு வெளியாகவுள்ளதாக தயாரிப்பு நிறுவனம் சார்பில் அறிவிப்பு வெளியிடப்பட்டது. அபிலாஷ் ஜோஷி இயக்கத்தில் துல்கர் சல்மான் நடித்திருக்கும் திரைப்படம் ‘கிங் ஆஃப் கோதா’. ஜீ ஸ்டுடியோஸ் மற்றும் வேஃபேரர் ஃபிலிம்ஸ் இணைந்து இப்படத்தை தயாரித்துள்ளது. ஜேக்ஸ் பிஜாய் மற்றும் ஷான் ரஹ்மான் இணைந்து இசையமைக்கும் இப்படத்திற்கு நிமிஷ் ரவி ஒளிப்பதிவு செய்கிறார்.
துல்கர் சல்மானின் 11 ஆண்டுகால திரையுலக வாழ்க்கையைச் சிறப்பிக்கும் வகையில் ‘கிங் ஆஃப் கோதா’ திரைப்படம் இந்த ஆண்டு ஓணம் அன்று திரையரங்குகளில் வெளியாகும் என படக்குழு அறிவித்திருந்தது. ஜூன் 23ம் தேதி இந்த திரைப்படத்தில் நடிக்கும் நடிகர்கள் மற்றும் அவர்களது கதாபாத்திரங்கள் தொடர்பான காணொளியை துல்கர் சல்மான் அவரது ட்விட்டர் பக்கத்தில் வெளியிட்டிருந்தார்.
இந்நிலையில் ‘கிங் ஆஃப் கோதா’ திரைப்படத்தின் தெலுங்கு டீசரை நடிகர் மகேஷ் பாபு ஜூன் 28ம் தேதி மாலை 6 மணிக்கு வெளியிடவுள்ளதாக அறிவிக்கப்பட்டது. இந்நிலையில் இப்படத்தின் தமிழ் டீசரை நடிகர் சிம்பு வெளியிடவுள்ளதாக போஸ்டர் வெளியிட்டு படக்குழு அறிவித்துள்ளது. இந்த அறிவிப்பால் சினிமா ரசிகர்கள் உற்சாகத்தில் உள்ளனர்.
