சூரரைப் போற்று திரைப்படத்தின் இந்தி ரீமேக் ரிலீஸ் தேதியை அப்படத்தின் கதாநயகன் அக்ஷய் குமார் வெளியிட்டுள்ளார்.
இயக்குனர் சுதா கொங்கரா இயக்கத்தில் சூர்யா நடிப்பில் வெளியாகி மிகப் பெரிய அளவில் வெற்றியை குவித்த திரைப்படம் சூரரைப் போற்று. கொரோனா காலக்கட்டத்தில் அமேசான் ப்ரைமில் வெளியான சூரரைப் போற்று திரைப்படம் அழுத்தமான கதை, திரைக்கதை மூலம் ரசிகர்களின் மனதை வென்றது. அதுமட்டுமல்லாமல் சிறந்த நடிகர், நடிகை, சிறந்த தயாரிப்பு, சிறந்த இசை, சிறந்த இயக்கம் உள்ளிட்ட பல பிரிவுகளில் தேசிய விருதினை இந்தப் படம் குவித்தது.
We are ready for take off! ✈️
Production No. 27 (Untitled) releases in theatres worldwide on 1st September, 2023. #RadhikaMadan@SirPareshRawal@Sudha_Kongara #Jyotika@Suriya_offl @vikramix @rajsekarpandian @Abundantia_Ent@2D_ENTPVTLTD@CaptGopinath@sikhyaent@gvprakash pic.twitter.com/OW9NjKkmAy
— Akshay Kumar (@akshaykumar) March 21, 2023
இந்நிலையில் சூரரைப் போற்று திரைப்படம் இந்தியில் ரீமேக் செய்யப்படுவதாக இயக்குனர் சுதா கொங்கரா அறிவிப்பை வெளியிட்டிருந்தார். இப்படத்தினை 2டி எண்டர்டெயிமெண்ட் நிறுவனத்துடன் இணைந்து அருணா பாத்யா மற்றும் விக்ரம் மல்கோத்ரா தயாரித்து வருகின்றனர். இந்தப் படத்தில் அக்ஷய் குமார் நடித்து வருகிறார். மேலும் இவருக்கு ஜோடியாக ராதிகா மதன் ஹீரோயினாக நடிக்கிறார். இப்படத்துக்கும் ஜிவி பிரகாஷ் குமார் இசையமைக்கிறார் என்பது குறிப்பிடத்தக்கது.
அண்மைச் செய்தி : நகைச்சுவை நடிகர் கோவை குணா காலமானார்
பெயரிடப்படாத சூரரைப் போற்று இந்தி ரீமேக் படத்தின் ரிலீஸ் தேதியை அறிவித்துள்ளது. அந்த அறிவிப்பின் படி சூரரைப் போற்று இந்தி ரீமேக் இந்த ஆண்டு செப்டம்பர் மாதம் 1ம் தேதி உலகெங்கிலும் வெளியாகவுள்ளது. இந்த தகவலை அக்ஷய் குமார் ட்விட்டர் பக்கத்தில் பகிர்ந்துள்ளார்.
