கடலூர் மாவட்டம் விருத்தாச்சலம் சட்டமன்ற தொகுதி அமமுக தேமுதிக கூட்டணியின் சார்பில் விருத்தாசலம் சட்டமன்ற தொகுதிக்கு தேமுதிக பொருளாளர் பிரேமலதா விஜயகாந்த் போட்டியிடுகிறார்.
இந்த நிலையில் கடலூர் மாவட்டம் விருத்தாசலம் சட்டமன்ற தொகுதி தேமுதிக வேட்பாளர் பிரேமலதா விஜயகாந்த், தொகுதிக்குட்பட்ட பகுதிகளில் தீவிர பரப்புரையில் ஈடுபட்டு வருகிறார்.
விருத்தாசலத்தில் தேமுதிக தேர்தல் பணிமனையை திறந்துவைத்த அவர், பண்டாரம் குப்பம், செம்பளா குறிச்சி, பெரியவடவாடி, விஜயமாநகரம், ஸ்ரீராம் நகர், பள்ளிப்பட்டு உள்ளிட்ட பகுதிகளில் பரப்புரை மேற்கொண்டார். அவருக்கு, தேமுதிக தொண்டர்கள் உற்சாக வரவேற்பு அளித்தனர். அப்போது சில பெண்கள் அவருக்கு ஆரத்தி எடுத்து தங்கள் குழந்தைகளை பிரேமலதா விஜயகாந்த்யிடம் கொடுத்து புகைப்படம் எடுத்துக்கொண்டனர்.
