கடந்த 20 ஆண்டுகளாக குஜராத்தின் பெருமையை சிதைக்க நினைக்கும் சக்திகள் இந்த தேர்தலிலும் வீழ்த்தப்படுவார்கள் என பிரதமர் மோடி தெரிவித்தார்.
இந்தியாவில் இமாச்சல பிரதேசம் மற்றும் குஜராத் மாநில சட்டசபை தேர்தல் நடைபெற உள்ளது. இமாச்சல பிரதேசத்தில் வரும் 12ம் தேதியும், குஜராத்தில் டிசம்பர் 1 மற்றும் 5ம் தேதி என இரண்டு கட்டங்களாக தேர்தல் நடைபெறும் என தேர்தல் ஆணையம் தெரிவித்துள்ளது.
குஜராத் சட்டசபை தேர்தலையொட்டி பிரதமர் மோடி தனது சொந்த மாநிலத்தில் தேர்தல் பிரசாரத்தில் ஈடுபட்டுள்ளார். தேர்தல் தேதி அறிவிக்கப்பட்ட பின்னர் குஜராத் மாநிலத்திற்கு முதன்முறையாக வருகை தந்த பிரதமர் மோடி தனது சொந்த ஊரான வல்சட் கிராமம் கப்ரடாவில் பிரச்சாரம் மேற்கொண்டார்.
அப்போது அவர், குஜராத்தின் வளர்ச்சிக்காக நாங்கள் தொடர்ந்து பணியாற்றி வருகிறோம். ஒவ்வொரு குஜராத்தியும் தன்னம்பிக்கை நிறைந்தவர்கள், அதனால்தான் குஜராத்திகள் பேசும்போது அவர்களுக்குள் இருந்து ஒரு சத்தம் எழுகிறது. இந்த குஜராத்தை உருவாக்கியது அவர்கள்தான் என்று கூறினார்.
https://twitter.com/narendramodi/status/1589194611221663746
தொடர்ந்து, ‘நான் உருவாக்கிய குஜராத்’ என்று முழக்கத்தை அறிவித்தார். குஜராத்தி மொழியில் அவர் இதனை அறிவித்தார். மேலும், இந்தத் தேர்தலில் குஜராத் பிரிவினைவாத சக்திகளை ஒழிக்கும். கடந்த 20 ஆண்டுகளாக மாநிலத்தின் பெருமையை சிதைக்க முயன்ற சக்திகள் இந்தத் தேர்தலிலும் வீழ்த்தப்படுவார்கள் என்றார்.
நான் டெல்லியில் இருக்கும் போது எனக்கு குஜராத் தேர்தல் நிலவரம் பற்றிய புள்ளி விவரங்கள் வந்தன. அதனை தெரிவிக்கவே நான் இங்கு வந்துள்ளேன். இந்தத் தேர்தலில் கடந்த சாதனையை வீழ்த்தி பாஜக வெற்றி பெறும். அதனால், குஜராத் பாஜக பொறுப்பாளர்களிடம் என்னை எத்தனை முறை அழைத்தாலும், பிரச்சாரத்துக்கு வருவேன் என்று உறுதியளித்துள்ளேன். ஒவ்வொரு குஜராத்தியும் முழு தன் நம்பிக்கையுடன் உள்ளனர். இதயங்களில் இருந்து ஒருமித்த குரல் கேட்கிறது. ஆம் இது நீங்கள் உணர்வதுபோல் நான் உருவாக்கிய குஜராத்” என்றார்.
