வங்கக்கடலில் காற்றழுத்தத் தாழ்வு மண்டலம் உருவாக வாய்ப்பு! – மீனவர்களுக்கு எச்சரிக்கை!

நவம்பர் 14, காலை 08:30 மணி நிலவரப்படி சிறப்புச் செய்தி எண் 2: அடுத்த 24 மணி நேரத்தில் தென்கிழக்கு வங்கக் கடலில் காற்றழுத்தத் தாழ்வு மண்டலம் உருவாக வாய்ப்பு

இந்திய வானிலை ஆய்வு மையம் வெளியிட்டுள்ள அறிக்கையில் கூறியிருப்பதாவது, “இன்று, நவம்பர் 14, 2026 காலை 08:30 மணி நிலவரப்படி, தென்கிழக்கு வங்கக் கடலில் நிலவிய ‘குறிப்பிடத்தக்க காற்றழுத்தத் தாழ்வுப் பகுதி’ (Well Marked Low Pressure Area) அதே பகுதியில் தொடர்ந்து நீடிக்கிறது.

இது வடமேற்கு திசையில் நகர்ந்து, அடுத்த 24 மணி நேரத்தில் அதே பகுதியில் காற்றழுத்தத் தாழ்வு மண்டலமாக (Depression) வலுப்பெற அதிக வாய்ப்புள்ளது. அதனைத் தொடர்ந்து, இது வடக்கு-வடமேற்கு திசையில் நகர்ந்து, நவம்பர் 16-ஆம் தேதி மாலை வாக்கில், தெற்கு வங்கக் கடலின் மத்தியப் பகுதிகள் மற்றும் அதனை ஒட்டிய மேற்கு-மத்திய வங்கக் கடல் பகுதிகளில் சூறாவளி புயலாக (Cyclonic Storm) மேலும் வலுப்பெறக்கூடும்.

காற்று எச்சரிக்கை:

அந்தமான் கடல் மற்றும் அந்தமான் & நிக்கோபார் தீவுகளை ஒட்டிய பகுதிகள்:
நவம்பர் 16-ஆம் தேதி வரை, மணிக்கு 40 முதல் 50 கி.மீ வேகத்திலும், அவ்வப்போது 60 கி.மீ வேகத்திலும் பலத்த காற்று வீசக்கூடும்.

தென்கிழக்கு வங்கக் கடல்:
நவம்பர் 14 மற்றும் 15 ஆகிய தேதிகளில், மணிக்கு 40 முதல் 50 கி.மீ வேகத்திலும், அவ்வப்போது 60 கி.மீ வேகத்திலும் பலத்த காற்று வீசக்கூடும். நவம்பர் 16 மற்றும் 17 ஆகிய தேதிகளில் காற்றின் வேகம் அதிகரித்து, மணிக்கு 50 முதல் 60 கி.மீ வேகத்திலும், அவ்வப்போது 70 கி.மீ வேகத்திலும் காற்று வீசக்கூடும்.

தென்மேற்கு வங்கக் கடல்:
நவம்பர் 14 அன்று மணிக்கு 40 முதல் 50 கி.மீ வேகத்திலும் (அவ்வப்போது 60 கி.மீ வரை), நவம்பர் 15 அன்று மணிக்கு 45 முதல் 55 கி.மீ வேகத்திலும் (அவ்வப்போது 65 கி.மீ வரை) பலத்த காற்று வீசக்கூடும். நவம்பர் 16 அன்று காற்றின் வேகம் மேலும் அதிகரித்து, மணிக்கு 50 முதல் 60 கி.மீ வேகத்திலும் (அவ்வப்போது 70 கி.மீ வரை) வீசக்கூடும். நவம்பர் 17 முதல் அடுத்த 24 மணி நேரத்திற்கு, மணிக்கு 60 முதல் 70 கி.மீ வேகத்திலும் (அவ்வப்போது 80 கி.மீ வரை) மிக பலத்த காற்று (Gale wind) வீசக்கூடும்.

மத்திய வங்காள விரிகுடா:
நவம்பர் 16 அன்று, மணிக்கு 45-55 கி.மீ வேகத்தில், அவ்வப்போது 65 கி.மீ வேகத்தில் காற்று வீசக்கூடும். நவம்பர் 17 முதல் அடுத்த 2 நாட்களுக்கு, காற்றின் வேகம் அதிகரித்து, மணிக்கு 65-75 கி.மீ வேகத்திலும், அவ்வப்போது 85 கி.மீ வேகத்திலும் பலத்த காற்றாக (Gale wind) மாறக்கூடும்.

கடல் நிலை:

அந்தமான் கடல் மற்றும் அந்தமான் – நிக்கோபார் தீவுகளை ஒட்டிய பகுதிகள்:
நவம்பர் 16 வரை கடல் கொந்தளிப்பாகவோ அல்லது மிகவும் கொந்தளிப்பாகவோ இருக்கக்கூடும்.

தென்கிழக்கு வங்காள விரிகுடா:
நவம்பர் 17 வரை கடல் கொந்தளிப்பாகவோ அல்லது மிகவும் கொந்தளிப்பாகவோ இருக்கக்கூடும்.

தென்மேற்கு வங்காள விரிகுடா:
நவம்பர் 15 வரை கடல் கொந்தளிப்பாகவோ அல்லது மிகவும் கொந்தளிப்பாகவோ இருக்கும்; நவம்பர் 16 அன்று மிகவும் கொந்தளிப்பாகவும், நவம்பர் 17 முதல் அடுத்த 24 மணி நேரத்திற்கு மிக அதிக கொந்தளிப்புடனும் (High sea condition) காணப்படும்.

மத்திய வங்காள விரிகுடா:
நவம்பர் 16 அன்று கடல் கொந்தளிப்பாகவோ அல்லது மிகவும் கொந்தளிப்பாகவோ இருக்கும். நவம்பர் 17 முதல் அடுத்த 2 நாட்களுக்கு கடல் நிலை மேலும் மோசமடைந்து, மிக அதிக கொந்தளிப்புடன் (High sea condition) காணப்படும்.

மீனவர்களுக்கான எச்சரிக்கை:

கடலில் மீன்பிடித்துக் கொண்டிருக்கும் மீனவர்கள் நவம்பர் 15, 2026-க்குள் கரைக்குத் திரும்புமாறு அறிவுறுத்தப்படுகிறார்கள். மேலும், மீனவர்கள் பின்வரும் பகுதிகளுக்குச் செல்ல வேண்டாம் என்று அறிவுறுத்தப்படுகிறார்கள்:

அந்தமான் கடல் மற்றும் அந்தமான் – நிக்கோபார் தீவுகளை ஒட்டிய பகுதிகள் (நவம்பர் 16 வரை).
தென்கிழக்கு வங்காள விரிகுடா (நவம்பர் 17 வரை).
தென்மேற்கு வங்காள விரிகுடா (நவம்பர் 15 முதல் 18 வரை). மத்திய வங்காள விரிகுடா (நவம்பர் 16 முதல் 19 வரை).” இவ்வாறூ அதில் தெரிவிக்கப்பட்டுள்ளது.