முக்கியச் செய்திகள் தமிழகம்

தியாகிகள், படைப்பாளிகள், திராவிட இயக்க முன்னோடிகளுக்கு திரு உருவச்சிலை – அமைச்சர்

ஏபிஜே அப்துல் கலாம் திருவுருவச்சிலை சென்னை அண்ணா பல்கலைக்கழக வளாகத்தில் அமைக்கப்படும் என தமிழ் வளர்ச்சி மற்றும் செய்தித்துறை அமைச்சர் மு.பெ.சாமிநாதன் சட்டப்பேரவையில் புதிய அறிவிப்புகளை வெளியிட்டுள்ளார்.

இது குறித்து அவர் வெளியிட்டுள்ள அறிவிப்பில், “விடுதலைக்காகப் போராடிய தியாகிகள், மொழிப்போர் தியாகிகள், தலைசிறந்த இலக்கிய படைப்பாளிகள், சமூக நீதிக்காக போராடியவர்கள், முன்னாள் குடியரசுத்தலைவர், திராவிட இயக்க முன்னோடிகள் ஆகியோரை போற்றும் வகையில் தமிழ்நாட்டின் பல்வேறு பகுதிகளில் திரு உருவச்சிலைகள் நிறுவப்படும். வீரபாண்டிய கட்டபொம்மனுக்கு சென்னை கிண்டி காந்தி மண்டப வளாகத்தில் திரு உருவ சிலை அமைக்கப்படும்.

மருது சகோதரர்களுக்கு சென்னை கிண்டி காந்தி மண்டப வளாகத்தில் திருவுருவசிலை அமைக்கப்படும். தென்னிந்தியாவின் ஜான்சி ராணி என்று அழைக்கப்பட்ட சுதந்திரப் போராட்ட வீராங்கனை அஞ்சலை அம்மாள் திரு உருவ சிலை கடலூரில் அமைக்கப்படும்.  அரியலூர் மாவட்டம் கீழபழூவூரில் கீழப்பழுவூர் சின்னச்சாமி திருவுருவச் சிலை அமைக்கப்படும்.

சென்னை அண்ணா பல்கலைக்கழக வளாகத்தில் ஏபிஜே அப்துல் கலாம் திருவுருவச்சிலை அமைக்கப்படும். இந்திய திருநாட்டின் தேசிய கீதத்தை இயற்றிய வருமான வங்கக் கவி இரவீந்திரநாத் தாகூருக்கு சென்னை ராணிமேரி கல்லூரியில் திரு உருவ சிலை அமைக்கப்படும்.

பொள்ளாச்சியில் தலைசிறந்த இலக்கிய வாதியும் முன்னாள் நிதி அமைச்சருமான நடமாடும் பல்கலைக்கழகம் மறைந்த நாவலர் நெடுஞ்செழியன் திரு உருவ சிலை சென்னை சேப்பாக்கம் அரசு விருந்தினர் மாளிகையில் அமைக்கப்படும். பெண் சமூக சீர்திருத்தவாதி எழுத்தாளர் தேவதாசி ஒழிப்பு இயக்கம் மற்றும் திராவிட இயக்கத்தின் அரசியல் முன்னோடிப் பெண் சமூக சீர்திருத்தவாதி மூவலூர் ராமாமிர்தம் அம்மையாருக்கு மயிலாடுதுறையில் திரு உருவ சிலை அமைக்கப்படும்.

இந்தியாவின் முதல் பெண் சட்டப்பேரவை உறுப்பினர் இந்திய பெண்கள் சங்கத்தின் முதல் தலைவர் தமிழ்நாட்டின் சமூக சீர்திருத்த பெண் மருத்துவர் டாக்டர் முத்துலட்சுமி ரெட்டி அம்மையாருக்கு புதுக்கோட்டையில் திரு உருவ சிலை அமைக்கப்படும்.

இருபதாம் நூற்றாண்டின் புகழ்பெற்ற தமிழர்களில் ஒரு வரும் பல்வேறு இலக்கியக் கட்டுரைகள் ஆராய்ச்சி நூல்கள் புதினங்கள் மற்றும் சிறுகதைகள் ஆகியவற்றை தமிழில் படைத்து மதுரை காமராஜர் பல்கலைக்கழக துணை வேந்தராக பணியாற்றிய பன்முக ஆற்றல் கொண்ட தமிழறிஞர் டாக்டர் வரதராசனார் திரு உருவ சிலை ராணிப்பேட்டை மாவட்டத்தில் அமைக்கப்படும். மேற்குறிப்பிட்ட சிலைகள் அமைக்க ஒரு கோடி ரூபாய் நிதி ஒதுக்கீடு செய்யப்பட்டுள்ளது.” என அமைச்சர் தனது அறிவிப்பில் தெரிவித்துள்ளார்.

மேலும், இந்திய திருநாட்டின் 75வது சுதந்திர தின விழாவை முன்னிட்டு விடுதலை போராட்ட வீரர்களின் நினைவிடங்கள் மேம்படுத்துதல். சென்னை காந்தி மண்டப வளாகத்தில் உள்ள தியாக சீலர்களின் நினைவு மண்டபங்கள் மேம்படுத்தப்படும். இதற்காக 3 கோடியே 38 இலட்சத்து 70 ஆயிரம் ஒதுக்கீடு செய்யப்பட்டுள்ளது. சுதந்திர போராட்ட வீரர் தளி பாளையக்காரர் மலையாண்டி வெங்கிடு பதி எத்தலப்ப நாயக்கருக்கு திருப்பூர் மாவட்டத்தில் திருவுருவச் சிலையும் அரங்கமும் அமைக்க இரண்டு கோடியே அறுபது இலட்சம் நிதி ஒதுக்கீடு செய்யப்பட்டுள்ளது.

பொள்ளாச்சியில் உள்ள நீர்வளத் துறையின் தலைமைப் பொறியாளர் அலுவலக வளாகத்திற்கு மறைந்த முன்னாள் மத்திய அமைச்சர் சி சுப்பிரமணியம் என்று பெயர் சூட்டப்படும். சென்னை மாகாணத்தின் முன்னாள் முதலமைச்சர் டாக்டர் ப.சுப்புராயனுக்கு  சென்னையில் முழு திருவுருவச் சிலையும் நாமக்கல் நகரில் அரங்கமும் அமைக்கப்படும்.
ஈரோடு மாவட்டத்தில் கீழ்பவானி பாசன திட்ட உருவாக்க காரணமாக இருந்த உத்தமத் தியாகி ஈஸ்வரன்  திருவுருவச் சிலை மற்றும் அரங்கம் அமைக்கப்படும். சிலை மற்றும் அரங்கம் அமைப்பதற்கு ரூ. 2.60 கோடி நிதி ஒதுக்கீடு செய்யப்படும் என புதிய அறிவிப்புகளை அமைச்சர் வெளியிட்டுள்ளார்.

மேலும், “தமிழ்நாடு அரசு எம்ஜிஆர் திரைப்படம் மற்றும் தொலைக்காட்சி பயிற்சி நிறுவனத்தில் கூட்ட அரங்கம் அமைக்க பராமரிப்பு பணிகள் பழுதடைந்த கட்டடங்கள் மின்கலங்கள் மற்றும் சீரமைப்பு உட்கட்டமைப்பு வசதிகள் ஒரு கோடியே 88 லட்சம் செலவில் புனரமைக்கப்படும். அரசு விளம்பரங்கள் வெளியிடும் பணிகள் அனைத்தும் இணையம் வழியாக மேற்கொள்ள மென்பொருள் உருவாக்கும் பராமரிக்கவும் நடவடிக்கை எடுக்கப்படும்.

அரசின் செயல்பாடுகள் மற்றும் திட்டங்களை பொதுமக்கள் அறிந்து பயன்பெறும் வகையில் சமூக ஊடகப் பிரிவு என்ற தனிப் பிரிவு உருவாக்கப்படும் அரசின் விளம்பரங்களுக்கு மின் சுவர்கள் உருவாக்கப்படும். அரசு நிகழ்ச்சிகளில் எடுக்கப்பட்ட கருப்பு வெள்ளை மற்றும் வண்ணப் புகைப்பட நகல் சுருள்கள் டிஜிட்டல் முறையில் பாதுகாக்கவும் தற்போது எடுக்கப்படும் புகைப்படங்களை ஆவணப்படுத்தவும் நடவடிக்கை எடுக்கப்படும்.

இதழியல் துறையில் சமூக மேம்பாட்டிற்காக விளிம்பு நிலை மக்களின் மேம்பாட்டிற்காக பங்காற்றி வரும் ஒரு சிறந்த இதழியலாளருக்கு ஆண்டுதோறும் கருணாநிதி எழுதுகோல் விருது மற்றும் 5 லட்சம் ரொக்க தொகையுடன் பாராட்டுச் சான்றிதழ் வழங்கப்படும்.

இளம் பத்திரிக்கையாளர்கள் ஊடகத் துறையில் சிறந்து விளங்கவும் அதன் நுணுக்கங்களை முழுமையாக அறிந்து கொள்ளவும் அவர்களை ஊக்குவிக்கும் வகையில் ஆர்வமுள்ள தகுதி வாய்ந்த இளம் பத்திரிக்கையாளர்களை தேர்வு செய்து இந்திய அளவில் புகழ் மிக்க இந்தியன் இன்ஸ்டியூட் ஆஃப் மாஸ் கம்யூனிகேஷன் ஏசியன் காலேஜ் ஆஃப் ஜர்னல் என்ற பத்திரிக்கை சார்ந்த கல்வி நிறுவனங்களில் உயர் கல்வி பயிற்சி பெறவும் நிதிஉதவி வழங்கப்படும்.

பத்திரிகையாளர்கள் தங்கள் துறை சார்ந்த தொழிற்பயிற்சி மேம்படுத்திக் கொள்ளும் திறன் மேம்பாட்டை அதிகரிக்கவும் மொழித் திறன் மற்றும் நவீன தொழில்நுட்பத்தில் சிறந்து விளங்கவும் மாவட்ட அளவிலும் மாநில அளவிலும் பத்திரிக்கையாளர்களுக்கு பயிற்சி வழங்கப்படும்.

பனிக்காலத்தில் இயற்கை எய்தும் பத்திரிக்கையாளர்களுக்கு முதலமைச்சரின் பொது நிவாரண நிதியிலிருந்து வழங்கப்படும் குடும்ப நிதி மூன்று லட்ச ரூபாயிலிருந்து 5 லட்சமாக உயர்த்தி வழங்கப்படும். பத்திரிக்கையாளர்கள் நலன் காக்கும் வகையில் பத்திரிக்கையாளர்கள் நல வாரியம் அமைக்கப்படும். முன்னாள் அமைச்சரும் ஏழை எளியோரின் முன்னேற்றத்திற்கு பெரும் பங்காற்றி மறைந்த ஏ கோவிந்தசாமி அவளுக்கு விழுப்புரம் மாவட்டத்தில் திரு உருவச் சிலையுடன் அரங்கம் அமைக்கப்படும்.

தமிழ் வளர்ச்சி மற்றும் செய்தித்துறை அரசு மைய அச்சகம் மற்றும் கிளை அச்சக கட்டடங்கள் புனரமைப்பு.

முதலமைச்சர் ஆணைப்படி பழுதடைந்துள்ள சேலம் அரசு அச்சக கட்டடம் அரசு மைய அச்சகத்தில் பிரதான அச்சு இயந்திரம் அமைந்துள்ள கட்டடம் திருச்சி அரசு கிளை அச்சக கட்டடம் மதுரை அரசு அச்சக கட்டிடம் மற்றும் விருதாச்சலம் அரசு அச்சக கட்டணம் ஆகியவை ரூ4.55 கோடி மதிப்பில் புனரமைக்கப்படும்.

சென்னை அரசு மைய அச்சகத்திற்கு சுமையூர்தி ஒன்று கொள்முதல் செய்தல்.

சென்னை அரசு மைய அச்சகத்தில் அச்சிடப்பட்ட படிவங்கள் பதிவேடுகள் அரசுகள் மற்றும் நாட்காட்டிகள் ஆகியவற்றை சம்பந்தப்பட்ட அலுவலர்களுக்கு அனுப்பி வைக்கும் பொருட்டு ரூ.20 5.80 லட்சம் மதிப்பில் சுமையூர்தி ஒன்று கொள்முதல் செய்யப்படும்.

சென்னை அரசு மையத்திற்கு ஒரு காகிதம் சிப்பம் கட்டும் இயந்திரம் கொள்முதல் செய்தல்.

அரசு மைய அச்சகத்தில் அச்சுக் பணிகளின் போது ஏற்படும் கழிவுகளை ஒழுங்குபடுத்த சிப்பம் கட்டும் இயந்திரம் ஒன்று ரூ.5 லட்சம் மதிப்பில் கொள்முதல் செய்யப்படும்.” என்றும் அமைச்சரின் அறிவிப்பில் தெரிவிக்கப்பட்டுள்ளது.

Advertisement:
SHARE

Related posts

கருணாநிதி நினைவு நாள்: எளிமையாக கடைபிடிக்க மு.க.ஸ்டாலின் வேண்டுகோள்

Gayathri Venkatesan

அனைத்துலக சிறந்த படைப்பாக மதுரை எம்.பி சு.வெங்கடேசன் எழுதிய “வீரயுகநாயகன் வேள்பாரி” நாவல் தேர்வு!

Saravana

தமிழகத்தில் புதியதாக 759 பேர் கொரோனாவால் பாதிப்பு

Jeba Arul Robinson