இயக்குநர் சுசீந்திரன் தயாரிப்பில் மனோஜ் பாரதிராஜா இயக்கத்தில் பாரதிராஜா நடிப்பில் உருவான ‘மார்கழி திங்கள்’ படத்தின் வெளியீட்டுத் தேதி மாற்றம் செய்யப்பட்டுள்ளது.
கடந்த 1992-ம் ஆண்டு ”நாடோடி தென்றல்” என்ற படத்தில் இயக்குநர் பாரதிராஜா மற்றும் இசையமைப்பாளர் இளையராஜா கூட்டணி ஒன்றாக பணியாற்றினர். பின்னர் கடந்த 2008-ம் ஆண்டு பாரதிராஜா இயக்கிய ”தெக்கத்தி பொண்ணு” என்ற டிவி சீரியலின் டைட்டில் பாடலுக்கு இளையராஜா இசையமைத்திருந்தார். அதன் பிறகு கிட்டத்தட்ட 31 வருடங்களுக்கு பிறகு திரைப்படத்துக்காக இவர்கள் இருவரும் கூட்டணி அமைக்கவுள்ளனர். 
இயக்குநர் சுசீந்திரனின் வெண்ணிலா புரொடக்ஷன்ஸ் தயாரிப்பில், இயக்குநர் பாரதிராஜா முதன்மை கதாபாத்திரத்தில் நடித்து ‘மார்கழி திங்கள்’ திரைப்படம் உருவாகி வருகிறது. இப்படத்தின் மூலம் பாரதிராஜாவின் மகன் நடிகர் மனோஜ் பாரதிராஜா இயக்குநராக அறிமுகமாகிறார். இயக்குநர் மணிரத்னத்திடம் ‘பம்பாய்’ படத்தில் உதவி இயக்குநராக மனோஜ் பாரதிராஜா பணிபுரிந்துள்ளார். இதனால் மணிரத்னத்தை சந்தித்து மனோஜ் ஆசி பெற்றார்.
தமிழ் சினிமாவில் ”தாஜ் மஹால்” படத்தின் மூலம் நடிகராக அறிமுகமான மனோஜ், தான் இயக்கும் முதல் படத்தில் தனது தந்தையை இயக்கவிருப்பது குறிப்பிடத்தக்கது. முதலில் இந்த படத்துக்கு ஜி.வி.பிரகாஷ் குமார் இசையமைப்பதாக இருந்தது. ஆனால் அவருக்கு பதிலாக இளையராஜா இந்தப் படத்தில் இணைந்துள்ளார். ‘மார்கழி திங்கள்’ திரைப்படத்திற்காக இருவரும் இணைந்துள்ள நிலையில் இளையராஜா இசையில் பாடல் பதிவு அண்மையில் நடைப்பெற்றது.
#MargazhiThingal's release date got a makeover!🌙✨New date, new excitement! Save the date: October 27th!
Isaignani @ilaiyaraaja Musical 🎶#MargazhiThingalFromOct27
Prod by @Dir_Susi 's #VennilaProductions
Dir by @manojkumarb_76 @offBharathiraja @shyamshelvan @maalu1815… pic.twitter.com/jqtJDwhUkL— Saregama South (@saregamasouth) October 16, 2023
இப்படத்தின் டிரைலர் மற்றும் இசை வெளியிட்டு விழா சென்னையில் நடைபெற்றது. ‘மார்கழி திங்கள்’ திரைப்படம் கடந்த அக்.6 ஆம் தேதி வெளியாகும் என அறிவிக்கப்பட்டது. பின்னர், அக். 20 ஆம் தேதிக்கு மாற்றப்பட்டது. இந்நிலையில், விஜய்-யின் லியோ திரைப்படம் வரும் அக்.19ல் வெளியாகவுள்ளதால், மீண்டும் ‘மார்கழி திங்கள்’ திரைப்படத்தின் வெளியீட்டுத் தேதியை அக்.27-ம் தேதிக்கு படக்குழுவினர் மீண்டும் மாற்றியுள்ளனர்.
